Qazgidromet 8 qazanǵa arnalǵan aýa raiy boljamyn jariialady, dep habarlaidy "Ult aqparat".
Qazaqstan aýmaǵynyń basym bóligi tsiklonnyń yqpalynda bolady, osyǵan bailanysty jaýyn-shashyn (jańbyr, qar) jaýady. Qalǵan aimaqtarda antitsiklonnyń áserinen jaýyn-shashynsyz aýa raiy boljanady.
Respýblikanyń kei jerlerinde tuman, jeldiń kúsheiýi, kóktaiǵaq kútiledi.
Shyǵys Qazaqstan, kúndiz Túrkistan, Qyzylorda oblystarynyń kei jerlerinde 15-20 m/s deiin jeldiń kúsheiýi kútiledi. Qostanai oblysynyń kei jerlerinde tuman kútiledi, kúndiz jel 18 m/s kúsheiedi.
Qaraǵandy, oblysnynń kei jerlerinde tuman, kóktaiǵaq bolyp, jel 15-20 m/s deiin kúsheiedi. Aqmola, Pavlodar oblystarynyń kei jerlerinde tuman, kóktaiǵaq kútiledi. Jambyl, Almaty, Soltústik Qazaqstan oblystarynyń kei jerlerinde tuman túsedi.
Almaty, Jambyl, Túrkistan oblystarynyń kei jerlerinde túnde 1-5 gradýs úsik kútiledi.
Túrkistan, Qyzylorda oblystarynyń basym bóliginde, Jambyl, Aqtóbe, Qaraǵandy oblystarynyń kei jerlerinde tótenshe órt qaýpi saqtalady.
