Elbasy tapsyrmasynyń aiasynda respýblikanyń árbir oblysy Túrkistan qalasyna bir ǵimarattan syiǵa tartady. Bul týraly oblys ákimi Janseiit Túimebaev Túrkistan qalasyn túrki áleminiń rýhani-mádeni ortalyǵy retinde damytý boiynsha ótken jiynda aitty.
Máselen, Astana qalasynyń ákimi Áset Isekeshov «Astana» saiabaǵyn salý týraly usynys bildirgen, dep habarlaidy "Ult aqparat".
Jiynda Janseiit Túimebaev 1500 jyldan astam tarihy bar Túrkistannyń ótkeninen az-kem syr shertti. Qazaq handyǵynyń astanasy bolǵan bul meken búkil túrki áleminiń de rýhani-mádeni astanasy bola bilgenin jetkizdi. Sonymen qatar, atalǵan tarihi shahardy Elbasynyń tapsyrmasyna sáikes, Qazaqstannyń Rýhani ortalyǵy baǵytynda jandandyrý jaiyna toqtaldy.
«Túrkistan qalasynda boi kóteretin turǵyn úiler kóp qabatty bolmaidy. Sebebi, Qoja Ahmet Iassaýi kesenesiniń biiktiginen aspaý kerek. Barlyq jerde mavzolei múmkindiginshe kórinip turýy qajet. Sondai-aq, baspanalar Orta-Aziialyq stilde, iaǵni kóne dáýirdegi sáýletpen salynýy tiis. Sonda elimizdegi, kem degende, bir qala osyndai eski kelbetpen boi kóteredi», - dedi Janseiit Túimebaev.
Túrkistan qalasyn týrister úshin qolaily aimaqqa ainaldyrý máselesin sóz etken óńir basshysy munda jańadan áýejai, temirjol vokzaly men avtovokzal jáne qonaqúiler, dámhanalar salynatynyn atap ótti.
Budan bólek, ákim Q.A. Iassaýiǵa qatysty jariialanǵan qundy jádigerlerdiń kóptiginen arnaiy Iassaýi mýzeii salyný qajettigine de toqtaldy.
