Olimpiada delegatsiiasynyń alǵashqy bóligi Japoniiaǵa keldi. Nur-Sultan men Tokio arasyndaǵy ushý uzaqtyǵy 7 saǵat 15 minýtty qurady, dep habarlaidy "Ult aqparat" Ulttyq olimpiada komitetine silteme jasap.
Talapqa sai delegatsiianyń 128 múshesi koronavirýsty infektsiiaǵa bailanysty PTR test tapsyrdy. Qazaqstandyqtar tapsyrǵan búkil test teris nátije kórsetti.
Komandanyń áýejaidaǵy barlyq protsedýrasy 4 saǵatqa jýyq ýaqytqa sozyldy.
«Uiymdastyrýshylardyń talaby boiynsha barlyq reglamentti saqtadyq. Ereje boiynsha sońǵy tórt saǵatta sportshylar koronavirýsty infektsiiaǵa qatysty bes test tapsyrdy. Qazirgi tańda olar olimpiada aýylyna jaiǵasyp, tynyǵýda. Jaqyn ýaqytta kestege sáikes jattyǵýdy bastaidy», - dep habarlady Olimpiadadaǵy Qazaqstan Missiiasynyń basshysy Elsiiar Qanaǵatov.
17 shilde kúni Tokiodaǵy kún raiy ashyq, aýa temperatýrasy 32 gradýsqa deiin kóterilgen.
Ylǵaldylyq 52 paiyzdy kórsetip tur. 18 shildeden bastap sportshylar jattyǵýǵa kirisip, dárigerlerdiń baqylaýymen ystyq ári ylǵaldy klimatqa beiimdeledi.
18 shilde kúni olimpiada aýylyna sporttyq gimnastika men akademiialyq esýden komanda ókilderi jaiǵasady.
23 shilde kúni Olimpiada oiyndarynda alǵash bolyp tórt qazaqstandyq sportshy baq synaidy.
Sadaq atýdan irikteý kezeńinde Sanjar Musaev, Ilfat Abdýllin, Denis Gankin synǵa tússe, akademiialyq esýden Vladislav Iakovlev jarysty bastaidy.
