QR Prezidenti Qasym-Jomart Toqaevtyń Jarlyǵymen Qazaqstannyń Qyrǵyz Respýblikasyndaǵy Elshisi taǵaiyndaldy, dep habarlaidy "Ult aqparat" Aqordaǵa silteme jasap.
«Qairat Aitmuhambetuly Nurpeiisov Qazaqstan Respýblikasynyń Qyrǵyz Respýblikasyndaǵy Tótenshe jáne Ókiletti Elshisi qyzmetine taǵaiyndaldy», delingen qujatta.
Qairat Aitmuhambetuly 1957 jylǵy 21 qyrkúiekte Pavlodar oblysynyń Sharbaqty aýdanyndaǵy Galkino aýylynda dúniege keldi.
Pavlodar pedagogikalyq institýty men Almaty Halyq sharýashylyǵy institýttaryn matematik jáne ekonomist mamandyqtary boiynsha bitirgen. Eńbek jolyn Pavlodar stansasynyń lokomotiv deposynda slesar bolýdan bastaǵan.
1982-1988 jyldary Pavlodar oblysynyń qarjy jáne salyq organdarynda jumys istep, bas ekonomisten Pavlodar oblysynyń salyq komitetiniń tóraǵasyna deiin kóterildi.
1998-2002 jyldary Qazaqstan Respýblikasy Energetika, indýstriia jáne saýda vitse-ministri, QR Memlekettik Kiris vitse-ministri qyzmetterin atqardy. 2003 jyldan bastap Pavlodar qalasynyń ákimi boldy. 2008 jyldyń qazanynan Qazaqstan Respýblikasy Prezidentiniń Ákimshiligi Basshysynyń orynbasary.
2009 jyldyń tamyzynan QR Memlekettik qyzmet isteri agenttiginiń tóraǵasy. 2012-2013 jyldary QR Parlamenti Senatynyń apparat basshysy. Sońǵy taǵaiyndalýǵa sheiin 2013 jylǵy qyrkúiek aiynan bastap QR Parlamentindegi QR Prezidenti ókildiginiń basshysy boldy.
«Qurmet» ordeniniń jáne birneshe QR medalderiniń iegeri.
