QR Premer-Ministriniń orynbasary Eraly Toǵjanov aldaǵy týristik maýsymda kýrorttyq óńirlerge ushaq jáne poiyz reisterin arttyrýdy tapsyrdy, dep habarlaidy QazAqparat tilshisi.
«Týristik logistikanyń yńǵaily ári qoljetimdi bolýy halyq úshin óte mańyzdy. Týristik maýsym qarsańynda áýe jáne temirjol kóligine suranys kóbeietinin eskere otyryp, osy máselede halyqtyń tolyq qajettiligin qamtamasyz etý qajet», - dedi Eraly Toǵjanov QR Mádeniet jáne sport ministrliginiń týrizm salasy boiynsha alqa májilisinde.
Úkimet basshysynyń orynbasary bul máseleniń kýrorttyq aimaqtarǵa da qatysty ekenin atap ótti.
«Osyǵan bailanysty Indýstriia jáne infraqurylymdyq damý ministrligi Mádeniet jáne sport ministrligimen jáne oblys ákimdikterimen, «Qazaqstan temir joly» ulttyq kompaniiasymen birlesip, jyljymaly sostav sanyn ulǵaityp, elordadan Almaty qalasyna, kýrorttyq aimaqtarǵa, Alakólge poiyzdardyń kún saiyn júrýin qamtamasyz etý máselesin pysyqtaýy qajet. Sondai-aq, Aqtaý, Túrkistan, Úsharal qalalarynyń, Úrjar aýylynyń áýejailaryna áýe reisteriniń sanyn arttyrý máselesin pysyqtaýdy tapsyramyn», - dedi Eraly Toǵjanov.
