قر پرەمەر-مينيسترٸنٸڭ ورىنباسارى ەرالى توعجانوۆ الداعى تۋريستٸك ماۋسىمدا كۋرورتتىق ٶڭٸرلەرگە ۇشاق جەنە پويىز رەيستەرٸن ارتتىرۋدى تاپسىردى, دەپ حابارلايدى قازاقپارات تٸلشٸسٸ.
«تۋريستٸك لوگيستيكانىڭ ىڭعايلى ەرٸ قولجەتٸمدٸ بولۋى حالىق ٷشٸن ٶتە ماڭىزدى. تۋريستٸك ماۋسىم قارساڭىندا ەۋە جەنە تەمٸرجول كٶلٸگٸنە سۇرانىس كٶبەيەتٸنٸن ەسكەرە وتىرىپ, وسى مەسەلەدە حالىقتىڭ تولىق قاجەتتٸلٸگٸن قامتاماسىز ەتۋ قاجەت», - دەدٸ ەرالى توعجانوۆ قر مەدەنيەت جەنە سپورت مينيسترلٸگٸنٸڭ تۋريزم سالاسى بويىنشا القا مەجٸلٸسٸندە.
ٷكٸمەت باسشىسىنىڭ ورىنباسارى بۇل مەسەلەنٸڭ كۋرورتتىق ايماقتارعا دا قاتىستى ەكەنٸن اتاپ ٶتتٸ.
«وسىعان بايلانىستى يندۋسترييا جەنە ينفراقۇرىلىمدىق دامۋ مينيسترلٸگٸ مەدەنيەت جەنە سپورت مينيسترلٸگٸمەن جەنە وبلىس ەكٸمدٸكتەرٸمەن, «قازاقستان تەمٸر جولى» ۇلتتىق كومپانيياسىمەن بٸرلەسٸپ, جىلجىمالى سوستاۆ سانىن ۇلعايتىپ, ەلوردادان الماتى قالاسىنا, كۋرورتتىق ايماقتارعا, الاكٶلگە پويىزداردىڭ كٷن سايىن جٷرۋٸن قامتاماسىز ەتۋ مەسەلەسٸن پىسىقتاۋى قاجەت. سونداي-اق, اقتاۋ, تٷركٸستان, ٷشارال قالالارىنىڭ, ٷرجار اۋىلىنىڭ ەۋەجايلارىنا ەۋە رەيستەرٸنٸڭ سانىن ارتتىرۋ مەسەلەسٸن پىسىقتاۋدى تاپسىرامىن», - دەدٸ ەرالى توعجانوۆ.
