Qazaqstannyń Qorǵanys ministri Nurlan Ermekbaev Máskeýge reseilik áriptesi, armiia generaly Sergei Shoigýdyń shaqyrtýymen keldi, dep habarlaidy "Ult aqparat" ministrliktiń baspasóz qyzmetine silteme jasap.
«Kezdesý barysynda ministrler birlesken jedel jáne jaýyngerlik daiarlyq, normativtik-quqyqtyq bazany jáne áskeri-tehnikalyq yntymaqtastyqty jetildirý jónindegi máselelerdi talqylady.
Resmi sapar aiasynda vedomstvo basshysy 20 mamandyq pen bes mamandaný boiynsha daiyndyq júrgizilip jatqan Resei Federatsiiasy Qorǵanys ministrliginiń Áskeri ýniversitetine bardy. Ýniversitet jumysynyń negizgi baǵyty - shet memleketterdiń qarýly kúshteri úshin onyń ishinde qazaqstandyq kýrsanttardyń mamandaryn daiarlaý», delingen habarlamada.
Áskeri salada eki memleket birlesken áskeri maqsattaǵy ónimdi birlesip jetkizýdi, áskeriler men áskeri-tehnikalyq kadrlardy daiyndaý jáne oqytýdy, birlesken kásiporyndar, qarý-jaraq pen áskeri tehnika kórmelerin júzege asyrady.
Áskeri-tehnikalyq sala mańyzdy bolyp tabylady. Olardyń qatarynda: Reseimen áskeri-tehnikalyq yntymaqtastyq Qazaqstan úshin tiimdi basymdyq – tikelei óndirýshi zaýyttardan ishki memlekettik (reseilik) baǵamen qarý-jaraq pen áskeri tehnikany satyp alýǵa múmkindik beredi.
Qazaqstan men Reseidiń Qarýly Kúshteri ózara is-qimyl jyldary aralyǵynda, onyń ishinde, UQShU, ShYU jáne Armiialyq halyqaralyq oiyndary sheńberinde birlesip 60-tan asa oqý-jattyǵýǵa qatysty. Bul kúnderi qazaqstandyq pen reseilik armiianyń bólimsheleri qatysyp jatqan «Shyǵys – 2019», «Ortalyq–2019» oqý-jattyǵýlary, sondai-aq Kaspii flotiliiasy korabldi kúshteriniń birlesken oqý-jattyǵýlary ótýde.
Eske sala ketsek, Qorǵanys ministriniń Resei Federatsiiasyna sapary maýsym aiyna josparlanǵanymen, biraq keiinge qaldyrylǵan.
Aita keterligi, Qazaqstan men Reseidiń qorǵanystyq ózara is-qimyly ártúrli salalarda, onyń ishinde, áskeri bilim, mamandandyrylǵan daiyndyq, birlesken oqý-jattyǵýlar men jattyqtyrýlardy ótkizý, áskeri-tehnikalyq yntymaqtastyqtyqtaǵy ózara is-qimylmen sipattalady. Qazaqstandyq kýrsanttar men QR QK-nyń áskeri qyzmetshileri QR men RF qorǵanys ministrlikteri arasyndaǵy kelisim, sondai-aq UQShU múshe memleketteri úshin áskeri kadrlardy daiarlaý týraly kelisim aiasynda reseilik áskeri oqý oryndarda aqysyz negizde bilim alady.
