Tatarstan "Astana" halyqaralyq qarjy ortalyǵymen jan-jaqty yntymaqtastyqqa daiyn. Bul týraly búgin Astana Finance Days sessiiasynda Tatarstan Prezidenti Rýstam Minnihanov aitty, dep habarlaidy QazAqparat tilshisi.
"Dál osy jerde biz tipti oilap ta kórmegen revoliýtsiialyq sheshimder qabyldanyp jatyr. Bul barynsha baiypty qadam ekendigine kúmán da keltire almaimyn. Sebebi, Qazaqstan kóptegen baǵytta kóshbasshyǵa ainaldy jáne biz óz respýblikamyzda onyń kópshiligin qabyldap, júzege asyrý ústindemiz", - dedi Tatarstan Prezidenti.
Sonymen qatar ol Tatarstannyń "Astana" halyqaralyq qarjy ortalyǵymen jan-jaqty yntymaqtastyqqa daiyn ekendigin basa aitty.
"Sondyqtan Tatarstan sizderdiń belsendi seriktesterińiz bolady jáne tabysty jumystar tileimin. Qabyldanǵan sheshimderdiń barlyǵy da revoliýtsiialyq. Sizderge sáttilik tileimin!", - dedi Rýstam Minnihanov.
