Foto: "Egemen Qazaqstan" gazeti
"Qazaqstannyń halyq ártisi" ataǵyna ie mádeniet qyzmetkerlerine tólenetin ústemaqy mólsheri eki ese kóbeiedi, - dep habarlaidy "Ult aqparat".
Mádeniet jáne sport ministrligi baspasóz qyzmetiniń málimetinshe, "Qazaqstannyń halyq ártisi" qurmetti ataǵyna ie mádeniet qyzmetkerlerine bazalyq laýazymdyq eńbekaqynyń 100% mólsherinde ústemeaqy tólenedi. Qaýly jobasy búgingi Úkimet otyrysynda bekitildi.
Eske salaiyq, Memleket basshysy Qasym-Jomart Toqaevtyń tapsyrmasy boiynsha biyldan bastap «Qazaqstannyń halyq ártisi» ataǵy qaita beriletin boldy. Qurmetti ataqqa laiyq mádeniet qairatkerleri Respýblika kúni qarsanynda marapattalady.
Ataq elimizdiń teatr, tsirk, mýzyka jáne kino ónerin damytýǵa erekshe úles qosqan, osyǵan deiin "Qazaqstannyń eńbek sińirgen ártisi" nemese "Qazaqstannyń eńbek sińirgen qairatkeri" ataǵyna ie bolǵan mádeniet qyzmetkerlerine beriledi.
"Qazaqstannyń halyq ártisi" ataǵyn qaita berý memleket tarapynan óner qairatkerleriniń eńbegin baǵalaýǵa, kásibi qasietterin damytý jáne jetildirýge, kásibi sheberlik deńgeiin arttyrýǵa jáne jańa óner týyndylaryn jasaýǵa yntalandyrýǵa, jas býynnyń shyǵarmashylyq ósýine jáne urpaqtar sabaqtastyǵyna qyzyǵýshylyq arttyrýǵa yqpal etedi", - dedi Mádeniet jáne sport ministri Ashat Oralov.
