© Sputnik / Elena Berejnaia
Qazgidromet biylǵy sý tasqynyna qatysty boljamdy jariialady, dep habarlaidy "Ult aqparat" Sputnik Qazaqstanǵa silteme jasap.
NASA spýtnikteriniń sýretteri boiynsha 2024 jylǵy 01 naýryzdaǵy jaǵdai boiynsha Qazaqstannyń 72% jerinde áli qar jatyr.
Mamandar jazyq jerdegi ózenderdi zerdelep, jaýyn-shashynnyń mólsherin, qardaǵy sý qoryn, topyraqtyń kúzgi ylǵaldylyǵyn, topyraqtyń qatý tereńdigin, sondai-aq ózenderdiń muz rejimderin taldai otyryp, sý tasqyny qaýipti aimaqtardy da anyqtady.
Joǵary qaýpti bar óńirder: Abai, Aqmola, Aqtóbe, Almaty, Shyǵys Qazaqstan, Batys Qazaqstan, Qaraǵandy, Qostanai, Soltústik Qazaqstan jáne Jetisý oblystary.
Ortasha qaýip: Atyraý, Jambyl, Qyzylorda, Pavlodar, Túrkistan jáne Ulytaý oblystary.
Mańǵystaý oblysynda ǵana sý tasqynyń qaýpi tómen bolyp tur.
Qazirgi kezde Qaraǵandy oblysynyń Nura jáne Sherýbainura, Ulytaý oblysynyń Keńgir jáne Sarysý, Aqmola oblysynyń Esil, Sileti (Sileti sý qoimasyna quiylý), Shaǵalaly jáne Jabai, Soltústik Qazaqstan oblysynyń Esil, Qostanai oblysynyń Tobyl, Aiat jáne Torǵai, Aqtóbe oblysynyń Ilek, Oiyl jáne Yrǵyz, Batys Qazaqstan oblysynyń Chija-2, Ýtva, Derqul, Shaǵan, Óleńti men Shiderti, Atyraý oblysynyń Embi ózenderiniń basseinderinde topyraq betinde qalyńdyǵy 6,6 sm-ge deiin muz qabyqtary baiqalady.
"Naýryzda temperatýranyń kúrt kóterilýi jáne qatty jańbyr bolǵan jaǵdaida bul erigen qar men jańbyr tasqynynyń paida bolýyna ákelýi múmkin", - deidi sinoptikter.
