Qazaqstandyqtardyń ortasha ailyq jalaqysy 231 myń teńgeni quraidy. Bul týraly QR Strategiialyq josparlaý jáne reformalar agenttigi Ulttyq statistika biýrosynan málim etti, dep habarlaidy "Ult aqparat".
2021 jylǵy I toqsanda bir qyzmetkerdiń ortasha ailyq ataýly jalaqysy 230 829 teńgeni qurady. Ataýly jalaqy indeksi 2020 jylǵy tiisti toqsanyna 115,2%, al naqty jalaqy indeksi 107,4% qurady.
Salalar boiynsha eń úlken ataýly jalaqy:
- taý-ken óndirý ónerkásibi jáne karerlerdi qazý salasynda – 509,8 myń teńge (ortasha respýblikalyq deńgeiden 2,2 ese joǵary);
- kásibi, ǵylymi jáne tehnikalyq qyzmette – 345,7 myń teńge (1,5 esege asty);
- aqparat jáne bailanys salasynda – 328,1 myń teńge (1,4 esege sáikes).
Eń tómengi ataýly jalaqy:
- aýyl, orman jáne balyq sharýashylyǵynyń qyzmetkerlerinde – 116,1 myń teńge;
- sývmen jabdyqtaý, qaldyqtardy jinaý, óńdeý jáne joiý, lastanýdy joiý qyzmetinde -141,8 myń teńge.
Óńirlik bóliniste eń joǵarǵy ortasha ailyq jalaqy Atyraý oblysynda – 405,8 myń teńge. Bul, ortasha respýblikalyq kórsetkishten shamamen 1,7 ese joǵary. Odan keiingi oryndarda Mańǵystaý oblysy (344 329 teńge), Nur-Sultan (307 546 teńge) jáne Almaty (268 463 teńge) qalalary tur.
Eń tómengi eńbekaqy Soltústik Qazaqstan oblysynda - 166,7 myń teńge. Bul, ortasha deńgeiden 27,8% tómen. Odan keiingi orynda Shymkent qalasy (175 858 teńge), Jambyl (176 884 teńge) jáne Túrkistan (178 479 teńge) oblystary ornalasqan.
