El boiynsha jańadan qurylǵan Jetisý oblysynyń ortalyǵy Qonaev qalasynda azyq-túlik baǵasy qymbat. Bul týraly Ulttyq statistika biýrosy málim etti, dep habaraidy QazAqparat.
Biýronyń deregi boiynsha, barlyq áleýmettik mańyzy bar azyq-túlik baǵalary eń qymbat óńir – Qonaev qalasy. Onda nan 314 teńge turady.
Al nan respýblika boiynsha astyqty aimaq Qostanai qalasynda arzan. Onda nan - 152 teńgeden satylyp jatyr.
Qonaev qalasynda kúnbaǵys quny da sharyqtap tur. Litri – 954 teńge. Atalǵan taýar túri Semeide arzan. Onda kúnbaǵys mainyń bir litri – 725 teńge.
Basqa óńirlermen salystyrǵanda Jetisý oblysynyń ortalyǵynda kartop (kelisi 186 teńge) pen qyryqqabat (kelisi 89 teńge) qana arzan.
Al siyr eti (kelisi 2369 teńge), kúrish (kelisi 375 teńge), piiaz (kelisi 311 teńge) jáne jumyrtqa (10 danasy 460 teńge) siiaqty azyq-túlik taýarlarynyń barlyǵy qymbat.
Statistikalyq málimetterge sáikes, basqa óńirlermen salystyrǵanda elimizdiń 3 qalasynda azyq-túlik quny edáýir arzan. Olar - Petropavl, Qaraǵandy jáne Qostanai qalalary.
Atalǵan aimaqtarda azyq-túlik baǵasy ózge óńirlerge qaraǵanda 95-210 teńgege tómen.
Ulttyq statistika biýrosynyń aqparaty boiynsha, jyl basynan beri áleýmettik mańyzy bar azyq-túlik baǵasy 17,6 paiyzǵa ósken.
