Munai baǵasyna qatysty jaǵdai jaqsarsa, birqatar ulttyq kompaniia IPO-ǵa jedel shyǵa alady.
Bul týraly QR Strategiialyq josparlaý jáne reformalaý agenttiginiń tóraǵasy Qairat Kelimbetov aityp berdi, dep habarlaidy QazAqparat.
«Qazir biz Úkimette «Samuryq-Qazyna» UÁQ bóligi bolyp sanalatyn qazaqstandyq ulttyq kompaniialardy jekeshelendirý jáne IPO-ǵa shyǵýyn jedeldetý múmkindikterin talqylap jatyrmyz. «Samuryq-Qazyna» «QazMunaiGaz», «Qazaqstan Temir Joly», «Qazatomónerkásip» siiaqty kompaniialar aktsiialarynyń paketterin jekeshelendirýdi 2022-2023 jyldarǵa josparlaǵan. Bulai aýystyrýdyń sebepteri – jalpy ótken jyldardaǵy baǵa koniýnktýrasy, sondai-aq pandemiianyń jahandyq retsessiiaǵa, jahandyq ekonomikanyń damýyna áseri bolyp otyr.
Biraq menińshe, munai baǵasynyń jaǵdaiy biyl oń boljansa (ortasha baǵasy barreline shamamen 65 dollar), bul protsester jedeldeýi múmkin. Biraq ázirge bul 2022-2023 jyldarǵa josparlanǵan», - dedi Qairat Kelimbetov Ortalyq kommýnikatsiialar qyzmetinde ótken baspasóz máslihatynda.
Spikerdiń aitýynsha, 2021 jyly Qazaqstannyń keibir jeke kompaniialary aktsiialaryn AHQO birjasy alańynda ornalastyrýdy jalǵastyrady dep kútilýde.
