QR Indýstriia jáne infraqurylymdyq damý ministrliginiń Indýstriialyq damý jáne ónerkásiptik qaýipsizdik komitetiniń tóraǵasy Qatan Baiytov QR Úkimetiniń baspasóz ortalyǵynda ótken brifingte kommýnaldyq-turmystyq sektordyń jáne turǵyndardyń qazir kómirmen qamtamasyz etilýi jaǵdaiyn aityp berdi, dep habarlaidy "Ult aqparat".
A.j. 30 qazanyndaǵy shuǵyl derekter boiynsha 89 mln tonna kómir óndirildi, bul ótken jyldyń sáikes kezeńimen salystyrǵanda 98%-dy quraidy.
Osy kezeńde eldiń ishki naryǵyna kómirdi jetkizý 61 mln tonnany qurady, onyń ishinde:
- energiia óndirýshi kásiporyndarǵa 46,0 mln tonna kómir tieldi;
- ónerkásip kásiporyndaryna 5,6 mln tonna kómir tieldi;
- kommýnaldyq-turmystyq qajettilikterge jáne halyqqa 9,1 mln tonna kómir tieldi.
Jylytý maýsymynyń bastalýy aldynda jergilikti atqarýshy organdar 2019-2020 jyldarǵa arnalǵan kommýnaldyq-turmystyq qajettilikter men turǵyndar úshin kómir óniminiń qajettiligi josparyn jasady. Esep boiynsha biyl 10,5 mln tonna kómir tutyný josparlanǵan. Onyń ishinde 2,7 mln tonnasy - kommýnaldyq-turmystyq qajettilikterge, 7,7 — turǵyndardyń tutynýyna.
Ministrlik apta saiyn Jospardyń oryndalýy men kómirmen qamtylýǵa monitoring júrgizedi.
A.j. 30 qazandaǵy jaǵdai boiynsha kommýnaldyq-turmystyq sektor jalpy josparǵa qatysty kómir qorymen 92,2%-ǵa, turǵyndar - 76,1%-ǵa qamtamasyz etilgen.
Aqtóbe, Jambyl, ShQO, BQO, Qaraǵandy, Qyzylorda, Pavlodar oblystarynyń, Almaty jáne Shymkent qalalarynyń ákimdikteri kommýnaldyq-turmystyq sektor úshin kómir jetkizýdiń jyldyq kestesin tolyq qamtamasyz etti.
Qanat Baiytov Aqmola oblysynda «Ideal-Treid» JShS treideriniń Shubarkól kómirin jetkizýge kelisimshartty oryndamaýyna qatysty jaǵdai boiynsha túsinik berdi. Onyń aitýynsha, másele sheshilgen, kómir jospar boiynsha eki aýysymdy rejimde tielýde. Biyl 25 qazan men 30 qazan aralyǵynda «Ideal-Treid» JShS ótinimderi boiynsha 14 vagon nemese 950 tonna kómirdiń Aqtóbe oblysyna tielýi júzege asyryldy.
Sonymen qatar, Shubarkól razrezinde kómirdiń óz betimen áketýge ótkizý qabiletin arttyrý maqsatynda qosymsha tarazy iske qosyldy, bul turǵyndar úshin tieýdi arttyrýǵa múmkindik berdi.
«Razrez búiirinde kómirdi óz betimen tasymaldaý kezektilik tártibimen júzege asyrylady. Aǵymdaǵy jylǵy 28 qazandaǵy jaǵdai boiynsha kezek 50-60 júk mashinalaryn quraidy. Búgingi kúni óz betimen tasymaldaýdyń jalpy kólemi táýligine 3600 tonnany quraidy», — dedi komitet tóraǵasy.
Sonymen qatar, ol temirjol tasymalymen tieý jetkizýshilerdiń ótinimderi boiynsha júzege asyrylatynyn aitty.
Qarajyra razrezinde óz betimen tasymaldaýda tieý kólemi táýligine shamamen 1600 tonanny quraidy. Kómirdi óz betimen tasymaldaýǵa kezekte 30-35 júk mashinasy bar. Sonymen qatar, kómir tieýdi arttyrý úshin «Qarajyra» AQ ónimdiligi joǵary jańa tehnika satyp aldy: árqaisynyń júk kótergishtigi 220 tonnany quraityn 6 karer samosvalyn, 2 ekskavator (shómish kólemi 23 m3), bul kómir tieý kólemin 8 mln tonnaǵa deiin jetkizýge múmkindik berdi.
«Maikóben-Vest» JShS-ynda óz betimen tasymaldaýda tieý kólemi táýligine 2500 tonnany quraidy. Kómirdi óz betimen tasymaldaýǵa kezekte 20-30 júk mashinasy bar. Sonymen qatar, turǵyndardyń surypty kómir tieýin arttyrý úshin «Maikóben-Vest» JShS importtyq ken baiytý jabdyǵyn satyp aldy.
«Bogatyr» razrezinde óz betimen tasymaldaýda tieý kólemi táýligine 1500 tonnany quraidy. Kómirdi óz betimen tasymaldaýǵa kezekte 20-25 júk mashinasy bar. Temirjol tasymaly boiynsha tieý jetkizýshilerdiń ótinimderi boiynsha júzege asyrylady.
