Foto: aqmeshit-aptalygy.kz
«Qazaqstannyń Eńbek eri», «Qazaqstannyń eńbek sińirgen ustazy» ataqtaryn alǵan muǵalimder mektepti basqarý máselelerine qatysady. Bul týraly QR Oqý-aǵartý ministri Ǵani Beisembaev aitty, dep habarlaidy QazAqparat agenttigi.
«Bilim berý sapasyn jaqsartý maqsatynda «Qazaqstannyń eńbek eri», «Qazaqstannyń eńbek sińirgen ustazy» ataǵyn alǵan muǵalimder mektepti basqarý máselelerine qatysady. Oǵan qosa, bilim berýdegi táýelsiz kásibi sarapshylar institýtyn damytatyn bolamyz. Bul rette pedagogtyń joǵary mártebesi bilim sapasyn jaqsartýǵa qyzmet etedi», - dedi Ǵani Beisembaev elordada ótken ministrliktiń alqa otyrysynda.
Sonymen birge, Prezident kadr rezervine uqsas bilim mekemeleri basshylyǵyna bolashaq kandidattardyń respýblikalyq derekqory qurylady.
«Bul shara bilim berý uiymdaryn bilikti basshylarmen qamtamasyz etýge múmkindik beredi. Sonymen qatar, pán muǵalimderiniń derekter bazasy qurylady, ol óńirlerdegi pedagog kadrlarynyń tapshylyǵyn joiýǵa kómektesedi. Budan basqa, bilim berý uiymdarynyń basshylarynyń jalaqysy kóbeiedi», - dedi Oqý-aǵartý ministri.
