فوتو: aqmeshit-aptalygy.kz
«قازاقستاننىڭ ەڭبەك ەرٸ», «قازاقستاننىڭ ەڭبەك سٸڭٸرگەن ۇستازى» اتاقتارىن العان مۇعالٸمدەر مەكتەپتٸ باسقارۋ مەسەلەلەرٸنە قاتىسادى. بۇل تۋرالى قر وقۋ-اعارتۋ مينيسترٸ عاني بەيسەمباەۆ ايتتى, دەپ حابارلايدى قازاقپارات اگەنتتٸگٸ.
«بٸلٸم بەرۋ ساپاسىن جاقسارتۋ ماقساتىندا «قازاقستاننىڭ ەڭبەك ەرٸ», «قازاقستاننىڭ ەڭبەك سٸڭٸرگەن ۇستازى» اتاعىن العان مۇعالٸمدەر مەكتەپتٸ باسقارۋ مەسەلەلەرٸنە قاتىسادى. وعان قوسا, بٸلٸم بەرۋدەگٸ تەۋەلسٸز كەسٸبي ساراپشىلار ينستيتۋتىن دامىتاتىن بولامىز. بۇل رەتتە پەداگوگتىڭ جوعارى مەرتەبەسٸ بٸلٸم ساپاسىن جاقسارتۋعا قىزمەت ەتەدٸ», - دەدٸ عاني بەيسەمباەۆ ەلوردادا ٶتكەن مينيسترلٸكتٸڭ القا وتىرىسىندا.
سونىمەن بٸرگە, پرەزيدەنت كادر رەزەرۆٸنە ۇقساس بٸلٸم مەكەمەلەرٸ باسشىلىعىنا بولاشاق كانديداتتاردىڭ رەسپۋبليكالىق دەرەكقورى قۇرىلادى.
«بۇل شارا بٸلٸم بەرۋ ۇيىمدارىن بٸلٸكتٸ باسشىلارمەن قامتاماسىز ەتۋگە مٷمكٸندٸك بەرەدٸ. سونىمەن قاتار, پەن مۇعالٸمدەرٸنٸڭ دەرەكتەر بازاسى قۇرىلادى, ول ٶڭٸرلەردەگٸ پەداگوگ كادرلارىنىڭ تاپشىلىعىن جويۋعا كٶمەكتەسەدٸ. بۇدان باسقا, بٸلٸم بەرۋ ۇيىمدارىنىڭ باسشىلارىنىڭ جالاقىسى كٶبەيەدٸ», - دەدٸ وقۋ-اعارتۋ مينيسترٸ.
