Mádeniet jáne sport ministrliginiń YouTube arnasynda Ǵaziza Jubanova atyndaǵy memlekettik ishekti aspaptar kvartetiniń kontserti ótedi, dep habarlaidy "Ult aqparat" vedomstvonyń baspasóz qyzmetine silteme jasap.
«Jaz áýenderi» jobasynyń kezekti kontsertin jalǵastyratyn Nur-Sultan qalasy ákimdiginiń Memlekettik akademiialyq filarmoniiasy. Az ýaqyt ishinde ujym otandyq jáne álemdik mýzyka mádenietiniń iri jetistikterin keńinen nasihattaýǵa baǵyttalǵan kópsalaly kontserttik jáne mýzykalyq-dáristik qyzmetti damytty. Atalmysh filarmoniianyń joǵary kásibi ujymdary men ártisteri kóptegen respýblikalyq jáne halyqaralyq baiqaýlardyń laýreattary», delingen habarlamada.
Kazakh quartet atty Ǵaziza Jubanova atyndaǵy memlekettik ishekti aspaptar kvartetiniń kórkemdik jetekshisi – Qazaqstan Respýblikasynyń eńbek sińirgen qairatkeri Ernar Myńtaev.
Ujymnyń quramy - Aidar Toqtaliev birinshi skripka, Aleksei Lebedev ekinshi skripka, Bekzat Sailaýbaiuly alt, Ernar Myńtaev violonchel.
Memlekettik ishekti aspaptar kvarteti joǵary oryndaýshylyq sheberligi, minsiz oinaý tehnikasy jáne ansambldik sezimi úshin Qazaqstannyń eń úzdik kameralyq ujymy ataldy.
Kontserttiń onlain-premerasy 26 shilde kúni saǵat 19.00-de Mádeniet jáne sport ministrliginiń YouTube arnasynda ótedi.
