Qazaqstannyń eksporttyq naryqtardaǵy pozitsiiasyn saqtap turýǵa múmkindigi bar. Bul týraly Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev málim etti, dep habarlaidy "Ult aqparat".
«Bizdiń aldymyzda álemdik azyq-túlik baǵasynyń ósýi men jalǵasyp jatqan Covid-19 koronavirýs pandemiiasy jaǵdaiynda eldiń azyq-túlik qaýipsizdigin qamtamasyz etý boiynsha mańyzdy mindet tur. Oblystar ákimdikteriniń derekteri boiynsha astyqtyń jalpy jinalymynyń boljamdy kólemi 15,3 mln tonna deńgeiinde bolady dep kútilýde. Budan basqa, respýblikada 3,5 mln. tonna kóleminde aýyspaly astyq qaldyǵy bar», - dedi Erbol Qarashókeev.
Onyń aitýynsha, Memleket basshysynyń tapsyrmasy aiasynda biyl Azyq-túlik kelisimshart korporatsiiasy aýyl sharýashylyǵy ónimderin forvardtyq satyp alýdy júzege asyrdy, sonyń arqasynda Azyq-túlik kelisimshart korporatsiiasynyń resýrstaryna 769,5 myń tonna kóleminde astyq jetkizýge kelisimshart jasaldy. Bul rette Azyq-túlik kelisimshart korporatsiiasynda 448 myń tonna kóleminde rezervtik astyq qory bar. Kórsetilgen astyq kólemi qajet bolǵan jaǵdaida, azyq-túlik qaýipsizdigin qamtamasyz etý jáne ony turaqtandyrý úshin ishki naryqqa baǵyttalatyn bolady.
«Aýyspaly qaldyqtardy eskere otyryp, jalpy jinalatyn astyqtyń kútiletin kólemi respýblikanyń ishki qajettilikterin tolyq qamtamasyz etýge, sondai-aq astyqtyń belgili bir kólemin eksporttaýǵa jetkilikti. Óndiriletin astyq kólemi eldiń azyq-túlik qaýipsizdigin qamtamasyz etip ǵana qoimai, Qazaqstannyń eksporttyq naryqtardaǵy pozitsiiasyn saqtap turýǵa da múmkindik beredi», - dedi Qarashókeev.
