«RIHA» óndirgen «Ispanskaia» pisirilgen-ystalǵan saliami shujyǵy synamalarynan ishek taiaqshalary tobynyń bakteriialary, al «Ýmýt i Ko» JShQ óndirgen «Den i Noch» shokolad jáne aq glazýrdaǵy kilegei eskimosynyń synamalarynan tamaqtan ýlaný týǵyzatyn Staphylococcus aureus anyqtaldy, dep habarlaidy "Ult aqparat" QR DSM qoǵam densaýlyǵyn saqtaý komitetiniń baspasóz qyzmetine silteme jasap.
«Sonymen qatar, «Emiliia» JShS-niń 45% «gollandiialyq irimshik» óniminiń synamalarynan ishek taiaqshalary tobynyń bakteriialary tabyldy. Bul rette óndirýshi «Emiliia» JShS júrgizilgen sanitariialyq-epidemiiaǵa qarsy is-sharalardan, sondai-aq zerthanalyq baqylaýdan keiin Qazaqstannyń tutynýshylyq naryǵyna qaýipti ónimdi jibermeý týraly kepildik bergen. Alaida búgingi kúni osy kepildikter saqtalmai otyr, bul kásiporynda tiisti óndiristik baqylaýdyń ótkizilmeitinin, sonymen birge logistika erejeleriniń buzylǵanyn kórsetedi» delingen habarlamada.
Osy ónimderdiń barlyǵy Keden odaǵynyń «Tamaq óniminiń qaýipsizdigi týraly» 021/2011 KO TR, «Et jáne et ónimderiniń qaýipsizdigi týraly» 034/2013 KO TR, «Sút jáne sút ónimderiniń qaýipsizdigi týraly» 033/2013 KO TR jáne «Tańbalaý bóligindegi tamaq ónimi» 022/2011 KO TR tehnikalyq reglamentteriniń talaptaryna sáikes kelmeidi.
Búginde atalmysh komitet talapqa sai kelmeitin ónimdi alý jáne joiý boiynsha is-sharalar júrgizip, respýblikanyń barlyq aýmaǵynda zerthanalyq baqylaýdy kúsheitýde.
Sondai-aq Qyrǵyzstan Respýblikasynyń Densaýlyq saqtaý ministrligine atalǵan josyqsyz óndirýshilerdiń qyzmetin baqylaýǵa alý jóninde habarlama jiberildi.
