2020 jyly pandemiia kezinde eldiń ishki naryǵyn farmatsevtikalyq ónimdermen qamtamasyz etý máselesi ótkir boldy. Osyny eskere otyryp otandyq óndirýshiler 2020 jyldyń qorytyndysy boiynsha saladaǵy óndiris kólemin 47%-ǵa ósirgen, dep habarlaidy "Ult aqparat" Úkimettiń baspasóz qyzmetine silteme jasap.
«Buǵan otandyq kásiporyndarda shyǵarylatyn ónim kóleminiń ulǵaiýy sebep boldy. Budan basqa kórsetkishterdiń ósýine «SQ-Farmatsiia» biryńǵai distribiýtory arqyly tegin meditsinalyq kómektiń kepildik berilgen kólemi sheńberinde dárilik zattardy jetkizýdiń ulǵaiýy, dárilik zattar men meditsinalyq buiymdarǵa halyqtyń joǵary suranysyna bailanysty bólshek saýdada ótkizýdiń ulǵaiýy muryndyq bolǵan», - delingen habarlamada.
Máselen, «Himfarm» AQ shyǵaratyn ónim kólemi 2 esege artqan. Sonymen qatar kompaniia keiingi 2 jylda eksport kólemin 2,5 ese arttyrdy. Búgingi tańda kásiporynnyń dárilik preparattary Ortalyq Aziia jáne EAEO naryqtarynda keńinen suranysqa ie. Sondai-aq, ónimder Qyrǵyzstan, Tájikstan, Túrikmenstan, Mońǵoliia jáne Resei siiaqty elderge eksporttalady. Biyl Ózbekstan naryǵyna shyǵý arqyly eksportty eki esege arttyrý josparlanýda.
Sondai-aq mańyzdy syn-tegeýrinderdiń biri — Eýropalyq Odaqtyń dári-dármek naryǵyna shyǵý. Osylaisha, 2023 jylǵa qarai eksport kólemin 16 mlrd teńgege deiin ulǵaitý josparlanǵan. Búgingi tańda kásiporyn qorjynynda 11 óndiristik jelide óndiriletin 9 túrli formadaǵy 120-dan astam dári-dármek ataýy bar.
