2020 جىلى پاندەمييا كەزٸندە ەلدٸڭ ٸشكٸ نارىعىن فارماتسەۆتيكالىق ٶنٸمدەرمەن قامتاماسىز ەتۋ مەسەلەسٸ ٶتكٸر بولدى. وسىنى ەسكەرە وتىرىپ وتاندىق ٶندٸرۋشٸلەر 2020 جىلدىڭ قورىتىندىسى بويىنشا سالاداعى ٶندٸرٸس كٶلەمٸن 47%-عا ٶسٸرگەن, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
«بۇعان وتاندىق كەسٸپورىنداردا شىعارىلاتىن ٶنٸم كٶلەمٸنٸڭ ۇلعايۋى سەبەپ بولدى. بۇدان باسقا كٶرسەتكٸشتەردٸڭ ٶسۋٸنە «سق-فارماتسييا» بٸرىڭعاي ديستريبيۋتورى ارقىلى تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە دەرٸلٸك زاتتاردى جەتكٸزۋدٸڭ ۇلعايۋى, دەرٸلٸك زاتتار مەن مەديتسينالىق بۇيىمدارعا حالىقتىڭ جوعارى سۇرانىسىنا بايلانىستى بٶلشەك ساۋدادا ٶتكٸزۋدٸڭ ۇلعايۋى مۇرىندىق بولعان», - دەلٸنگەن حابارلامادا.
مەسەلەن, «حيمفارم» اق شىعاراتىن ٶنٸم كٶلەمٸ 2 ەسەگە ارتقان. سونىمەن قاتار كومپانييا كەيٸنگٸ 2 جىلدا ەكسپورت كٶلەمٸن 2,5 ەسە ارتتىردى. بٷگٸنگٸ تاڭدا كەسٸپورىننىڭ دەرٸلٸك پرەپاراتتارى ورتالىق ازييا جەنە ەاەو نارىقتارىندا كەڭٸنەن سۇرانىسقا يە. سونداي-اق, ٶنٸمدەر قىرعىزستان, تەجٸكستان, تٷرٸكمەنستان, موڭعولييا جەنە رەسەي سيياقتى ەلدەرگە ەكسپورتتالادى. بيىل ٶزبەكستان نارىعىنا شىعۋ ارقىلى ەكسپورتتى ەكٸ ەسەگە ارتتىرۋ جوسپارلانۋدا.
سونداي-اق ماڭىزدى سىن-تەگەۋرٸندەردٸڭ بٸرٸ — ەۋروپالىق وداقتىڭ دەرٸ-دەرمەك نارىعىنا شىعۋ. وسىلايشا, 2023 جىلعا قاراي ەكسپورت كٶلەمٸن 16 ملرد تەڭگەگە دەيٸن ۇلعايتۋ جوسپارلانعان. بٷگٸنگٸ تاڭدا كەسٸپورىن قورجىنىندا 11 ٶندٸرٸستٸك جەلٸدە ٶندٸرٸلەتٸن 9 تٷرلٸ فورماداعى 120-دان استام دەرٸ-دەرمەك اتاۋى بار.
