Temirtai Izbastin Qazaqstan Respýblikasynyń Bolgariia Respýblikasyndaǵy Tótenshe jáne Ókiletti Elshisi qyzmetine taǵaiyndaldy, dep habarlaidy "Ult aqparat" Aqordaǵa silteme jasai otyryp.
«Memleket basshysynyń Jarlyǵymen Temirtai Rymtaiuly Izbastin Qazaqstan Respýblikasynyń Bolgariia Respýblikasyndaǵy Tótenshe jáne Ókiletti Elshisi qyzmetine taǵaiyndaldy», - delingen habarlamada.
Temirtai Rymtaiuly 1957 jyly 10 qyrkúiekte Pavlodar oblysy Baianaýyl aýylynda týǵan. Almaty memlekettik meditsina institýtyn (1980 j.), Qazaq ulttyq pedagogikalyq ýniversitetin (2008 j.), Resei SIM Diplomatiialyq akademiiasynda Halyqaralyq diplomatiialyq kýrstaryn bitirgen (1999 j.). Bolgariiadaǵy Sofiia ýniversitetiniń doktor (PhD) ǵylymi dárejesine ie (2015 j.). QR SIM júiesindegi qyzmetin 1994 jyldan bastap, Qazaqstannyń Vengriia men Qytaidaǵy elshilikterinde jumys istedi. 1997 jyldan 2001 jylǵa deiin Diýsseldorf-Meirbýsh qalasynda (GFR) QR konsýly bolyp jumys istedi. 2002 jyly QR-nyń Aýstriiadaǵy Elshiliginiń konsýly, keiin keńesshisi bolyp taǵaiyndaldy. 2005 jyldan 2009 jylǵa deiin Konsýldyq qyzmet departamentinde basqarma bastyǵy, direktordyń orynbasary laýazymynda jáne departament direktorynyń mindetin atqardy. 2009 jyly Bolgariiadaǵy Qazaqstannyń Diplomatiialyq missiiasynyń basshysy bolyp taǵaiyndaldy. 2019 jylǵy 1 qarashadan bastap Qazaqstannyń Bolgariiadaǵy Elshisi. II synypty Tótenshe jáne Ókiletti Ýákil diplomattyq dárejesi bar. Nemis, bolgar jáne aǵylshyn tilderin meńgergen. Úilengen, 4 balasy bar.
