Қазақстан Тәуелсіздігіне 25 жыл

Qazaqstannyń birqatar oblysynda aýa raiyna bailanysty eskertý jariialandy

Qazaqstannyń birqatar oblysynda aýa raiyna bailanysty eskertý jariialandy

Qazaqstannyń birqatar oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-nyń málimetterine silteme jasai otyryp.

Kásiporyn taratqan málimetterge qaraǵanda, 2020 jyldyń 22 naýryzynan saǵat 21-00-den bastap, 23 naýryz saǵat 21-00 aralyǵynda Aqmola oblysynyń kei jerlerinde jaiaý burqasyn soǵyp, túnde jáne tańerteń tuman túsedi. Ońtústik-batystan soqqan jel soltústikke qarai oiysyp, jyldamdyǵy kei jerlerde sekýndyna 15-20 metrge jetedi. 

Nur-Sultan qalasynda 23 naýryzda jaiaý burqasyn bolyp, túnde jáne tańerteń tuman túsedi. Aýa raiy boljamynyń yqtimaldylyǵy 85-90 %. 

Qyzylorda oblysynyń kei jerlerinde shańdy daýyl kóterlip, túnde soltústik-shyǵystan, shyǵystan jel soǵyp, kei jerlerde jyldamdyǵy sekýndyna 15-20 metr, ekpini 25 metrge jetedi. 

Qyzylorda qalasynda kúndiz shańdy daýyl kóterilip, kúndiz soltústik-shyǵystan jel soǵady, ekpini 15-20 m/s bolady. 

Soltústik Qazaqstan oblysynyń basym bóliginde túnde qar jaýyp, kei jerlerde burqasyn bolady. Kúndiz kei jerlerde kóktaiǵaq kútiledi. Soltústik-batystan soqqan jeldiń jyldamdyǵy kúndiz kei jerlerde sekýndyna 15-20 metrge jetedi. 

Petropavl qalasynda túnde qar jaýyp, jaiaý burqasyn bolady. Soltústik-batystan jel soǵyp, kúndiz ekpini sekýndyna 15-20 metrge jetedi. Aýa raiy boljamynyń yqtimaldylyǵy 90-95 %.

Kúndiz Mańǵystaý oblysynyń birqatar aýmaqtarynda shańdy daýyl turyp, shyǵystan, ońtústik-shyǵystan jel soǵady, jyldamdyǵy kúndiz kei jerlerde 15-20 m/s-ke jetedi. Aýa raiy boljamynyń yqtimaldylyǵy 90-95%.

Al 23-25 naýryz aralyǵynda Jambyl oblysynyń kei jerlerinde soltústik-shyǵystan jel soǵyp, jyldamdyǵy sekýndyna 15-20 metr, ekpini 23-28 metr bolady. Kei jerlerde tuman túsedi. 

Taraz qalasynda soltústik-shyǵystan jel soǵyp, ekpini 15-20 m/s, kei ýaqytta 23 m/s bolady, tuman túsýi de múmkin. Aýa raiy boljamynyń yqtimaldylyǵy 90-95%.

23-25 naýryzda Túrkistan oblysynyń kei jerlerinde soltústik-shyǵystan soǵatyn jeldiń kúshi 15-20, taýly jáne soltústik aýdandarda ekpini 23-28 m/s bolady.

Shymkent qalasynda 23-25 naýryzda soltústik-shyǵystan ekpini 15-20 m/s jel soǵady.

Túrkistan qalasynda soltústik-shyǵystan ekpini 15-20 m/s jel soǵyp, odan ári ol kúsheie túsedi.