Foto: Ashyq derekkózden alyndy
Erlan Qoshanov Qazaqstannyń Biologiialyq qaýipsizdik agenttigin qurý týraly bastamasyn qoldaýǵa shaqyrdy. Bul týraly QR Parlamenti Májilisiniń Tóraǵasy Erlan Qoshanov Qazaqstan Parlamenti delegatsiiasyn bastap Minskide ótken UQShU Parlamenttik Assambleiasy Keńesiniń otyrysynda aitty, – dep habarlaidy Ult.kz.
Erlan Qoshanov óz sózinde Qazaqstandaǵy saiasi reformalar men ótken Májilis sailaýynyń nátijeleri týraly habardar etti. Ol sailaýdy baiqaýǵa UQShU Parlamenttik Assambleiasynyń baqylaý missiiasy quramynda óz ókilderin jibergeni úshin qatysýshy elderdiń parlamentterindegi áriptesterine alǵysyn bildirdi.
«Ózderińizge belgili, Qazaqstan Prezidenti Qasym-Jomart Toqaev BUU aiasynda biologiialyq qaýipsizdik jónindegi halyqaralyq agenttik qurý týraly bastama kóterdi. Bul baǵytta jumystar júrgizilýde. Bizdiń bastamamyzdy halyqaralyq qaýymdastyq, sonyń ishinde UQShU boiynsha áriptesterimiz de qoldaitynyna senimdimin», - dedi Erlan Qoshanov áriptesterine sóilegen sózinde.
Májilis spikeri UQShU Parlamenttik Assambleiasy ózin halyqaralyq jáne óńirlik saiasattyń ózekti máseleleri talqylanatyn, úlgi zańdar ázirlenetin mańyzdy dialog alańy retinde tanytqanyn basa aitty. Erlan Qoshanov keńes músheleriniń nazaryn aimaqtaǵy biologiialyq qaýipsizdikti qamtamasyz etýdiń mańyzdylyǵyna aýdardy.
Himiialyq qarýǵa tyiym salý uiymy (OPCW) Himiialyq qarý týraly konventsiianyń oryndalýyna jaýapty jahandyq mekemesi bolyp tabylady. Ol árbir 5 jyl saiyn Sholý konferentsiiasyn ótkizedi. Bul konferentsiiada qatysýshy memleketter, azamattyq qoǵam, himiia ónerkásibi jáne akademiialyq orta ókilderi Konventsiiany júzege asyrý barysyn saraptaidy jáne OPCW úshin jańa basymdyqtardy belgileidi.
Belgili bolǵanyndai, nátijesinde OPCW osy jyldyń 30 sáýirinde Álemdik himiialyq qordyń 99,82%-y joiǵanyn habarlady jáne uiym 100%-ǵa jetý úshin kóp jumys jasaýda. Qazaqstannyń atynan ókildik etken Asqar Jumaǵaliev bizdiń elimizdiń himiialyq qarý máselesi boiynsha HQK múshelerimen yntymaqtastyqqa daiyn ekenin bildirdi.
Esterińizge sala keteiik, Erlan Qoshanov Qazaqstannyń Biologiialyq qaýipsizdik agenttigin qurý týraly bastamasyn qoldaýǵa shaqyrdy. Bul týraly QR Parlamenti Májilisiniń Tóraǵasy Erlan Qoshanov Qazaqstan Parlamenti delegatsiiasyn bastap Minskide ótken UQShU Parlamenttik Assambleiasy Keńesiniń otyrysynda aitqan bolatyn.
