Sýret: Gov.kz
13 mamyrda Qazaqstannyń 15 oblysynda daýyldy eskertý jariialandy, dep habarlaidy «Qazgidromet» RMK baspasóz qyzmeti.
Kúndiz Aqmola oblysynyń batysynda, soltústiginde jáne ońtústiginde naizaǵai oinap, burshaq jaýýy múmkin. Ońtústik-batystan soǵatyn jel túnde oblystyń batysynda, soltústiginde, ońtústiginde 15-20 m/s, kúndiz 15-20, oblystyń batysynda, soltústiginde ekpini 23-28 m/s.
Kókshetaýda kúndiz naizaǵai kútiledi. Ońtústik-batystan soǵatyn jel ekpini 15-20, kúndiz kei ýaqytta 25 m/s.
Almaty oblysy men Almaty qalasynyń taýly jáne taý bókterindegi aýdandarynda naizaǵai oinap, burshaq jaýýy múmkin. Soltústik-shyǵystan jel soǵady, jeldiń ekpini 17-22 m/s.
Kúndiz Ulytaý oblysynyń batysynda, soltústiginde jáne ortalyǵynda naizaǵai oinaidy. Oblys ortalyǵynda jeldiń ekpini 15-20 m/s, kúndiz oblystyń batysynda 23 m/s. Oblys ortalyǵynda joǵary órt qaýpi saqtalady. Jezqazǵanda kúndiz naizaǵai kútiledi.
Qaraǵandy oblysynda ońtústikten jel soǵady, kúndiz oblystyń batysynda jáne soltústiginde ekpini 15-20 m/s bolady. Oblystyń batysy men ońtústiginde áli de joǵary órt qaýpi saqtalady.
Kúndiz Aqtóbe oblysynyń ońtústiginde jáne shyǵysynda naizaǵai oinap, kúndiz burshaq jaýýy múmkin. Ońtústik-shyǵystan soǵatyn jel soltústikke aýysyp, ońtústikte, shyǵysta, oblys ortalyǵynda ekpini 15-20 m/s jetedi. Oblystyń shetki ońtústiginde joǵary órt qaýpi saqtalady.
Batys Qazaqstan oblysynyń soltústigi men shyǵysynda túnde naizaǵai kútiledi. Soltústik-shyǵystan jel soǵady, oblystyń batysynda, soltústiginde, shyǵysynda ekpini 15-20 m/s. Oblystyń batysynda, ońtústiginde jáne ortalyǵynda joǵary órt qaýpi saqtalady. Oralda túnde naizaǵai oinaidy. Soltústik-shyǵystan jel soǵady, ekpini 18 m/s.
Shyǵys Qazaqstan oblysynyń shyǵysynda túnde jáne tańerteń tuman túsedi. Shyǵys Qazaqstan oblysynyń ońtústik-shyǵysynda joǵary órt qaýpi saqtalady.
Túnde Abai aýdanynyń ońtústik-batysynda soltústik, soltústik-shyǵystan 15-18 m/s jel soǵady. Oblystyń ońtústiginde joǵary órt qaýpi saqtalady.
Túrkistan oblysynyń shóleit aimaqtarynda óte joǵary órt qaýpi saqtalady.
Mańǵystaý oblysynyń batysynda, soltústiginde jáne shyǵysynda naizaǵai oinap, burshaq jaýýy múmkin. Soltústik-batystan, soltústikten jel soǵady, oblystyń batysynda jáne ońtústik-shyǵysynda ekpini 15-20 m/s. Aqtaýda kei jerlerde naizaǵai oinaidy.
Kúndiz Soltústik Qazaqstan oblysynyń batysynda jáne soltústiginde qatty jańbyr, burshaq jaýady, naizaǵai oinaidy. Ońtústik-batystan soǵatyn jeldiń kúshi 15-20, kúndiz ekpini 23-28 m/s. Petropavlda kúndiz naizaǵai oinap, burshaq jaýýy múmkin. Ońtústik-batystan soǵatyn jeldiń kúshi 15-20, kúndiz ekpini 23-28 m/s.
Tańerteń jáne kúndiz Qyzylorda oblysynyń ortalyǵynda naizaǵai kútiledi. Jel ońtústik-shyǵystan, ońtústikten, batystan, oblys ortalyǵynda 15-20 m/s deiin soǵady. Oblystyń batysynda – Qazaly aýdanynda joǵary órt qaýpi saqtalady.
Atyraý oblysynyń soltústigi men shyǵysynda túnde naizaǵai kútiledi. Jel soltústik-batystan, soltústikten, batystan, ońtústikten 15-20 m/s. Oblystyń batysynda áli de joǵary órt qaýpi saqtalady. Atyraýda soltústik-batystan, soltústikten jel soǵady, túnde ekpini 15-18 m/s bolady.
Kúndiz Pavlodar oblysynyń batysynda jáne soltústiginde ońtústikten jel soǵady, ekpini 15-20 m/s bolady.
Túnde jáne kúndiz Qostanai oblysynyń batysynda, soltústiginde jáne shyǵysynda naizaǵai oinaidy, burshaq jaýýy múmkin. Ońtústik-batystan soǵatyn jel túnde ekpini 15-20 m/s, kúndiz 15-20, oblystyń shyǵysy men ońtústiginde ekpini 23-28 m/s. Qostanai oblysynyń ońtústiginde joǵary órt qaýpi saqtalady. Qostanaida naizaǵai kútiledi.
