Aijan Esmaǵambetova densaýlyq saqtaý vitse-ministri - bas memlekettik sanitariia dárigeri laýazymyna taǵaiyndaldy, - dep habarlaidy "Ult aqparat" QR Premer-pinistriniń baspasóz qyzmetine silteme jasap.
"Qazaqstan Respýblikasy Úkimetiniń Qaýlysymen Aijan Serikbaiqyzy Esmaǵambetova Qazaqstan Respýblikasynyń densaýlyq saqtaý vitse-ministri — Qazaqstan Respýblikasynyń Bas memlekettik sanitarlyq dárigeri bolyp taǵaiyndaldy", - delingen habarlamada.
Aijan Esmaǵambetova 1972 jyly Almaty oblysynda dúniege kelgen. 1997 jyly Almaty memlekettik meditsina ýniversitetin, Qazaqstan meditsina ýniversitetin (qoǵamdyq densaýlyq saqtaý joǵary mektebi), Almaty menedjment ýniversitetin bitirgen.
Eńbek jolyn 1990 jyly Almaty qalasy №7 emhanasynda feldsher-zerthanashy bolyp bastaǵan.
1997-2004 jyldary respýblikalyq sanitarlyq-epidemiologiialyq stantsiiasynyń asa qaýipti infektsiialar bóliminde dáriger-epidemiolog, dáriger-bakteriolog, zerthana meńgerýshisi bolyp jumys istedi.
2004-2014 jyldary QR DSM memlekettik sanitarlyq-epidemiologiialyq qadaǵalaý komitetiniń qurylymynda túrli laýazymdardy atqardy. 2013 jyly QR DSM memlekettik sanitarlyq-epidemiologiialyq qadaǵalaý komitetiniń tóraǵasy bolyp taǵaiyndaldy.
2014 jyly - QR tutynýshylardyń quqyqtaryn qorǵaý agenttiginiń epidemiologiialyq qadaǵalaý departamentiniń direktory - bas memlekettik sanitariia dárigeriniń orynbasary.
2014-2017 jyldary - QR UEM tutynýshylar quqyqtaryn qorǵaý komitetiniń epidemiologiialyq qadaǵalaý basqarmasynyń basshysy.
2017 jyly - QR DSM strategiialyq damý jáne qoǵamdyq densaýlyq saqtaý departamentiniń direktory.
2017-2020 jyldary - QR qoǵamdyq densaýlyq saqtaý saiasaty departamentiniń direktory.
2020 jylǵy qazannan bastap qazirge deiin QR DSM sanitarlyq-epidemiologiialyq baqylaý komitetiniń tóraǵasy bolyp jumys istedi.
