Elimizdiń barlyq óńirinde COVID-19 virýsyn juqtyrǵandar sany kúrt artqany baiqalyp otyr.
Bul týraly QR DSM Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń resmi ókili Erjan Baitanaev aitty, dep habarlaidy "Ult aqparat".
«Qazaqstanda osy jyldyń 12 qarashasyndaǵy jaǵdai boiynsha 118 491 naýqas tirkeldi. Onyń ishinde búgingi kúni 108 632 naýqas saýyǵyp shyqty. Búgingi kúni 7 941 naýqas emdelip jatyr. Ókinishke qarai 1 899 otandasymyzdan aiyryp qaldyq. Sonymen qatar sońǵy táýlikte 587 adamnyń koronavirýsqa shaldyqqany belgili boldy», - dedi ol Ortalyq kommýnikatsiialar qyzmetindegi baspasóz máslihatynda.
Onyń dereginshe, osy jyldyń 1 tamyzynan bastap COVID-19 pnevmaniiasyna 39 545 adam shaldyqty. Onyń ishinde 23 351 adam emdelip, saýyǵyp shyqty. Al 9 782 naýqas em qabyldaýda. 412 adam qaitys boldy. Sońǵy táýlikte 188 adamnan pnevmoniia anyqtaldy.
«Sonymen qatar sońǵy 2 aptada elimizdiń barlyq óńirinde COVID-pen syrqattanýdyń kúrt ósýi baiqalyp otyr. Syrqattanýshylyq barlyq óńirde oryn alýda. Ótken aptamen salystyrǵanda aýrý 1,7 esege ósti. Aýrý juqtyrýdyń 45 paiyzy Shyǵys Qazaqstan oblysynda tirkeldi. Qostanai oblysynda 4 esege ósse, Batys Qazaqstan oblysynda 3,2 esege artty. Al Pavlodar óńirinde 2,7 esege aitarlyqtai ósim baiqalýda. Búgingi kúni atalǵan óńirlerdiń ákimdikteri kúsheitilgen sharalardy qabyldaýda», - dedi Erjan Baitanaev.
