QR Densaýlyq saqtaý ministrligine qarasty «Ulttyq saraptama ortalyǵy» respýblikanyń barlyq aimaǵynda qorshaǵan ortadaǵy gamma-fonnyń jaǵdaiyna monitoring júrgizdi, dep habarlaidy "Ult aqparat".
Densaýlyq saqtaý ministrligi taratqan aqparatqa qaraǵanda, 2019 jylǵy 22 tamyzdaǵy jaǵdai boiynsha, qorshaǵan ortadaǵy radiatsiialyq fon turaqty. Tabiǵi gamma-fonnyń artýy, sondai-aq atmosferalyq aýa men jaýyn-shashyn synamalarynda radioaktivti lastaný tirkelmegen. Gamma-sáýlelený dozasynyń qýat deńgeii - saǵatyna 0,05-0,19 mikrozivert (mkZv/saǵ) sheginde. Iondaýshy sáýlelený normasy - 0,30 mkZv/saǵ.
Atmosferanyń jerge jaqyn qabatynyń radioaktivti lastanýyna monitoring jiyntyq beta-belsendilikti anyqtaýǵa aýa synamalaryn irikteý, tunbalardy jáne súzgilerge shógetin shańdy jinaý, sondai-aq gamma-sáýlesiniń ekspozitsiialyq dozasynyń qýatyn ólsheý arqyly júrgiziledi.
Atalmysh monitoring Ulttyq saraptama ortalyǵynyń mańyzy bar qalalarynda, 14 oblystyq, 25 qalalyq, 157 aýdandyq bólimshelerinde júzege asyrylady.
