Qazaqstan territoriiasynyń barlyq aýmaǵynda aýa raiyna bailanysty eskertý jariialandy, dep habarlaidy QazAqparat QR IIM Tótenshe jaǵdailar komitetine silteme jasap.
Buryn habarlanǵanyndai, 19 naýryz kúni Aqmola oblysynda jaýyn-shashyn túsip, kóktaiǵaq bolady, boran soǵady. Jel aldymen ońtústik-batystan, túnge qarai soltústik-batystan sekýndyna 15-20 metr jyldamdyqpen soǵyp, ekpini 23-28 m/s-qa deiin jetedi.
Astanada 19 naýryz kúni tańerteń jáne kúndiz jaýyn jaýyp, kóktaiǵaq bolady, boran soǵady. Jel ońtústik-batystan, keiin soltústik-batystan sekýndyna 15-20 metr jyldamdyqpen soǵyp, ekpini 25 m/s-qa deiin jetedi. Daýyl soǵý qaýpi - 90-95 %.
19-21 naýryzda Batys Qazaqstan, Atyraý, Aqtóbe oblystarynda jaýyn jaýyp, kúnniń jylynýyna bailanysty erigen qar sýy jinalyp, shabyndyqtarǵa jaiylý qaýpi bar.
19-20 naýryz kúnderi Qaraǵandy, Aqmola, Soltústik Qazaqstan, Qostanai jáne Pavlodar oblystarynda da jaýyn jaýyp, kúnniń jylynýyna bailanysty erigen qar sýy jinalyp, shabyndyqtarǵa jaiylý qaýpi bar.
19-21 naýryzda Shyǵys Qazaqstan oblysynda kúndizgi aýa temperatýrasy birte-birte kóterilip, jaýyn jaýýy muzdardyń erýine, ózen arnalaryn seń býýyna sebep bolýy múmkin; erigen qar sýy jinalyp, ózen sýy shabyndyqtarǵa jaiylý qaýpi bar.
19-21 naýryzda Ońtústik Qazaqstan jáne Qyzylorda oblystarynda jyly aýa temperatýrasynyń saqtalýy jáne jańbyr jaýýyna bailanysty sý deńgeii kóterilip, shabyndyqtarǵa jaiylý qaýpi bar.
19-20 naýryzda Almaty jáne Jambyl oblystarynyń kei jerlerinde jaýyn-shashyn bolyp, sý deńgeii kóterilý qaýpi bar.
Buǵan deiin Qazaqstannyń 11 oblysynda sý deńgeiiniń kóterilý qaýpi bar ekendigi týraly habarlaǵan bolatynbyz.
