Qazaqstannyń aviatsiialyq ákimshiligi Qazaq Air áýe kompaniiasyna josparly inspektsiiany bastady, dep habarlaidy "Ult aqparat" Azamattyq aviatsiia komitetiniń Telegram arnasyna silteme jasap.
«Áýe kompaniiasyyyń ushýdy paidalaný, ushýǵa jaramdylyǵy jáne meditsinalyq saladaǵy, sondai-aq litsenziialar men sertifikattar berý boiynsha qyzmeti tekseriledi. Qazaqstannyń aviatsiialyq ákimshiligi jylyna keminde bir ret áýe kemelerin paidalanýshylarǵa inspektsiia júrgizedi», - delingen komitettiń habarlamasynda.
«Qazaqstannyń aviatsiialyq ákimshiligi» AQ Bas direktorynyń birinshi orynbasary Linda Orledidiń aitýynsha, áýe arqyly qyzmet kórsetetin kompaniialar jylyna kem degende bir ret tekseriledi. Qazaq Air áýe kompaniiasyn tekserýge 10 mamannan turatyn inspektsiialyq komissiia joldanady. Alaida bul tekseristiń ótken senbidegi Qazaq Air kompaniiasynyń ushaqtaryna qatysty oqiǵalarǵa qatysy joq.
