Qazaqstannyń árbir aýylyna keńjolaqty Internet tartýǵa qarajatymyz jetpeidi. Bul týraly búgin «Digital Bridge» halyqaralyq innovatsiialyq forýmda QR Premer-Ministri Baqytjan Saǵyntaev aitty, dep habarlaidy "Ult aqparat".
«Bizde de úlken problema bar. Aýmaǵymyz óte úlken, jer kólemi boiynsha álemde 9-shi elmiz. Halyq sany óte az, shashyrańqy qonystanǵan. Qazaqstanda 7 myńdai eldi meken bar. Eger biz olardyń árqaisysyna keńjolaqty Internet jetkizetin bolsaq, onda oǵan aqshamyz jetpeitin edi. Sońǵy aýylǵa jetkizgenimizshe tehnologiia da ózgerip ketýi múmkin. Qajeti de bolmai qalýy yqtimal», - dedi QR Úkimet basshysy.
Osy oraida Premer-Ministr aýyldarǵa Internet jetkizýdiń ózge jolyn tańdaǵanyn basa aitty.
«Biz tirek aýyldardy damytatyn bolamyz. Bizde olardyń sany myńnan asyp jyǵylady. Olar eń birinshi kezekte damytylyp, eń aldymen keńjolaqty Internetke qol jetkizetin bolady. Jumysty bastap ta kettik, 2021 jyly aiaqtaimyz. Bizdiń osyndai aýqymdy mindetimiz bar, ony jyldam sheshýimiz qajet», - dedi Baqytjan Saǵyntaev.
Aita keteiik, forýmnyń tsifrlyq ekonomikany damytýdyń jahandyq trendteri talqylanǵan jalpy otyrysyna qatysqan Premer-Ministr «Digital Bridge» úlken bailanystar jasalatyn alańǵa ainalatyndyǵy, Qazaqstan tek qana tsifrlyq kún tártippen ómir súrip jatqanyn aitqan edi.
Digital Bridge - Qazaqstandaǵy biylǵy jyly ótip otyrǵan basty innovatsiialyq oqiǵa.
