Aýa raiynyń qolaisyzdyǵy saldarynan elimizdiń 4 óńirinde 12 jol ýchaskesi jabyq tur, dep habarlaidy QazAqparat tilshisi «QazAvtoJol» ulttyq kompaniiasynyń baspasóz qyzmetine silteme jasap.
Aitap aitqanda, Aqmola, ShQO, Qaraǵandy jáne Qostanai oblysynda birqatar jol ýchaskesi áli de jabyq.
«Aýa-raiy áli de qolaisyz. Turǵyndardy alys jolǵa shyqpaýǵa shaqyramyz. Aýa-raiy boljamyn jiti qadaǵalap otyrý kerek. Al eger avtokólik iegeri qar qursaýynda qalyp qoiyp jatsa, onda táýlik boiy jumys isteitin 1403 nómirine habarlasý qajet ekenin eske salamyz», - dep habarlaidy atalǵan vedomstvodan.
Habarlamada aitylǵandai, qazir elimiz boiynsha jol qozǵalysyn qalpyna keltirý úshin 1100 qyzmetker men 650 birlik arnaiy tehnika jumyldyryldy.
«Aldaǵy kúnderi de jol qyzmetteri kúsheitilgen rejimde jumys istep, avtojoldar ahýalyn qadaǵalaidy», - delingen málimette.
Osy oraida QazAvtoJol ulttyq kompaniiasy jabyq turǵan jol ýchaskeleri týraly aqparatty osy silteme arqyly baqylaýǵa bolatynyn eske salady.
