Qazaqstanda «Stels-Omikron» shtamy anyqtaldy, dep habarlaidy "Ult aqparat" Densaýlyq saqtaý ministrliginiń baspasóz qyzmetine silteme jasap
"Aǵymdaǵy jyldyń sáýir-mamyr ailarynda júrgizilgen PTR skrininginiń nátijeleri boiynsha koronavirýs infektsiiasynyń ártúrli shtamdarynyń ainalymy anyqtaldy. Barlyq óńirlerde BA.1 «Omikron» shtamy – 98,6%, onyń ishinde 12 óńirde BA.2 «Stels-Omikron» – 36,7%, B.1.617-Delta – 1,4% anyqtaldy.
PTR skrininginiń nátijelerin rastaý úshin tolyq genomdy sekvenirleý júrgizildi. Júrgizilgen tolyq genomdy sekvenirleý nátijesi boiynsha BA.2 «Stels-Omikron» shtamynyń – 93,8% (Aqtóbe, Almaty, Atyraý, Shyǵys Qazaqstan, Qyzylorda, Qostanai, Qaraǵandy, Mańǵystaý, Pavlodar, Soltústik Qazaqstan oblystary, Almaty jáne Nur-Sultan qalalary), BA.1 «Omikron» shtamynyń – 6,2% (Atyraý, Qyzylorda, Qaraǵandy oblystary, Almaty jáne Nur-Sultan qalalary) ainalymy anyqtaldy" - delingen habarlamada.
Epidemiologiialyq jaǵdaidyń turaqtanýyna qaramastan, Ministrlik koronavirýs infektsiiasyna qarsy ýaqtyly vaktsinatsiiadan, revaktsinatsiiadan ótýge keńes beredi.
Qazirgi ýaqytta Qazaqstanda KVI-ǵa qarsy vaktsinatsiialaý jáne revaktsinatsiialaý úshin vaktsinanyń 3 túri bar (Pfaizer, Sinofarm jáne KazVak), onyń ishinde 2-ýin Dúniejúzilik densaýlyq saqtaý uiymy maquldaǵan.
