QR Aqparat jáne qoǵamdyq damý ministrligi «Qazaqstannyń 100 jańa esimi» jobasynyń 4-inshi kezeńiniń bastalǵanyn málim etti, dep habarlaidy "Ult aqparat" ruh.kz saityna silteme jasap.
Ótinimder 2021 jyldyń 22 aqpanynan 15 naýryzyna deiin 100janaesim.ruh.kz saitynda qabyldanady.
«Qazaqstannyń 100 jańa esimi» jobasy – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarihy. Joba 2017 jyly Elbasy N. Nazarbaevtyń bastamasymen bastaý alyp, biyl jalǵasyn tabýda.
«Biylǵy baiqaý – el Táýelsizdiginiń 30 jyldyǵy aiasynda uiymdastyrylýda. Osy jyldar ishindegi elimizdiń tabystary – el azamattarynyń eren eńbeginiń jemisi. «Jaqsydan úiren» degen halqymyz jas urpaqty osyndai adamdardan ónege alýǵa tárbielegen», - dedi QR Aqparat jáne qoǵamdyq damý ministri Aida Balaeva.
Jobaǵa elde jáne elden tys jerlerde turatyn qazaqstandyqtar qatysa alady.
Qatysýshylardyń ótinimderi kelesi 7 nominatsiia boiynsha irikteledi:
- meditsina;
- bilim berý;
- ǵylym jáne innovatsiia;
- ekologiia;
- mádeniet jáne sport;
- biznes;
- qoǵam.
Qatysý úshin 100janaesim.ruh.kz saityndaǵy saýalnamany toltyrý qajet. Joba sharttaryna sáikes qatysýshy senimdi aqparat berýge mindettenedi. Zań buzýshylyqtar, sonyń ishinde onlain daýys berý kezinde daýystardy jasandy kóbeitý syndy ózge de falsifikatsiialar anyqtalǵan jaǵdaida, uiymdastyrýshylar qatysýshyny jobadan shyǵarýǵa quqyly.
Barlyq ótinimder moderatsiiadan ótedi, keiin saitta jariialanady. Ótinimderdi qabyldaý merzimi aiaqtalǵannan keiin búkilhalyqtyq onlain-daýys berý bastalady. Sondai-aq, ótinimderdiń belgili bir bóligi tanymal qoǵam jáne mádeniet qairatkerleri, sport, biznes ókilderinen turatyn qazylar alqasynyń qaraýyna usynylady. Oǵan qosa osy jyldan bastap ótken maýsymdardyń jeńimpazdary qazylar alqasynyń quramyna enedi.
Daýys berý kezinde eń kóp upai jinaǵan jáne qazylar alqasynyń tańdaýyna ilingen qatysýshylar joba jeńimpazdary atanady. Olardyń esimderi biylǵy sáýir aiynda belgili bolady.
