QR Indýstriia jáne infraqurylymdyq damý ministri Beibit Atamqulov otandyq akkýmýliatorlarǵa suranys joǵary ekenin aitty, dep habarlaidy QazAqparat.
«Ekinshi indýstriialyq besjyldyq kezeńinde mashina jasaýda ónim kólemi 1,2 esege ósti. Mashina jasaýda avtoónerkásip úlesi 26 paiyzǵa deiin artty. Osy rette shaǵyrylǵan avtomobilder tizbesi keńeitildi. Atap aitqanda, salada ónimderdiń jańa túrleri igerildi. Olardyń arasynda aqparattyq-kommýnikatsiialyq jabdyqtar, modemder, burandaly nasostar, jaryqtandyrý qurylǵylary, ortalyq konditsionerleri jáne basqa da ónimder bar», - dedi ministr Memleket basshysy Qasym-Jomart Toqaevtyń qatysýymen ótken «Altyn sapa» syilyǵyn tabystaý rásimine arnalǵan jiynda.
B. Atamqulovtyń sózine qaraǵanda, eksportqa negizdelgen tońazytqysh vagondardy shyǵarý retke keltirilgen.
«Biz Ortalyq Aziiada alǵash bolyp asa qýatty transformatorlar óndirisin igerdik. Indýstriialandyrý baǵdarlamasynyń múmkindikterin iske asyrýdyń jarqyn úlgisi retinde «Qainar-AKB» AQ bolyp otyr. Bizdiń akkýmýliatorlar eksporty 9 eldi qamtýda. Sonymen qatar, himiialyq ónerkásip, farmatsevtikalyq indýstriia, jeńil ónerkásip senimdi qarqynmen ilgerilep keledi», - dedi ministr.
Aita keteiik, Memleket basshysy «Altyn sapa» men «Paryz» baiqaýlarynyń úzdikterin marapattady.
