قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ وتاندىق اككۋمۋلياتورلارعا سۇرانىس جوعارى ەكەنٸن ايتتى, دەپ حابارلايدى قازاقپارات.
«ەكٸنشٸ يندۋسترييالىق بەسجىلدىق كەزەڭٸندە ماشينا جاساۋدا ٶنٸم كٶلەمٸ 1,2 ەسەگە ٶستٸ. ماشينا جاساۋدا اۆتوٶنەركەسٸپ ٷلەسٸ 26 پايىزعا دەيٸن ارتتى. وسى رەتتە شاعىرىلعان اۆتوموبيلدەر تٸزبەسٸ كەڭەيتٸلدٸ. اتاپ ايتقاندا, سالادا ٶنٸمدەردٸڭ جاڭا تٷرلەرٸ يگەرٸلدٸ. ولاردىڭ اراسىندا اقپاراتتىق-كوممۋنيكاتسييالىق جابدىقتار, مودەمدەر, بۇراندالى ناسوستار, جارىقتاندىرۋ قۇرىلعىلارى, ورتالىق كونديتسيونەرلەرٸ جەنە باسقا دا ٶنٸمدەر بار», - دەدٸ مينيستر مەملەكەت باسشىسى قاسىم-جومارت توقاەۆتىڭ قاتىسۋىمەن ٶتكەن «التىن ساپا» سىيلىعىن تابىستاۋ رەسٸمٸنە ارنالعان جيىندا.
ب. اتامقۇلوۆتىڭ سٶزٸنە قاراعاندا, ەكسپورتقا نەگٸزدەلگەن توڭازىتقىش ۆاگونداردى شىعارۋ رەتكە كەلتٸرٸلگەن.
«بٸز ورتالىق ازييادا العاش بولىپ اسا قۋاتتى ترانسفورماتورلار ٶندٸرٸسٸن يگەردٸك. يندۋسترييالاندىرۋ باعدارلاماسىنىڭ مٷمكٸندٸكتەرٸن ٸسكە اسىرۋدىڭ جارقىن ٷلگٸسٸ رەتٸندە «قاينار-اكب» اق بولىپ وتىر. بٸزدٸڭ اككۋمۋلياتورلار ەكسپورتى 9 ەلدٸ قامتۋدا. سونىمەن قاتار, حيمييالىق ٶنەركەسٸپ, فارماتسەۆتيكالىق يندۋسترييا, جەڭٸل ٶنەركەسٸپ سەنٸمدٸ قارقىنمەن ٸلگەرٸلەپ كەلەدٸ», - دەدٸ مينيستر.
ايتا كەتەيٸك, مەملەكەت باسشىسى «التىن ساپا» مەن «پارىز» بايقاۋلارىنىڭ ٷزدٸكتەرٸن ماراپاتتادى.
