Qaraǵandy farmatsevtikalyq zaýytynda shyǵarylǵan 6 myń doza «Spýtnik V» vaktsinasynyń tájiribelik partiiasynyń sapasyn tekserýge Reseige jiberildi, dep habarlaidy "Ult aqparat".
«Qaraǵandy farmatsevtikalyq zaýytynda shyǵarylǵan 6 myń doza «Spýtnik V» vaktsinasynyń tájiribelik partiiasynyń sapasyn tekserýge Reseige jiberildi. Vaktsina óndirisi tolyq 2021 jyldyń qańtarynda bastalady dep josparlanýda. Zaýyt ai saiyn keminde 300 myń doza shyǵarady», - dedi Densaýlyq saqtaý ministrliginiń baspasóz qyzmeti.
Eske salsaq, búgin QR Premer-Ministri Asqar Mamin Qaraǵandy farmatsevtikalyq keshenine baryp, «Spýtnik V» vaktsinasyn óndirýdi bastap berdi.
Aldyn ala boljamǵa sáikes, Qazaqstanda koronavirýsqa qarsy vaktsina 65 jastan asqan, júrek-qan tamyry aýrýy, qant diabeti jáne sozylmaly ókpe aýrýlary bar táýekel tobyna kiretin adamdarǵa jáne meditsina qyzmetkerlerine salynatyn bolady. Vaktsina alatyndardyń boljamdy sany 2 347 000 adamdy quraidy.
Densaýlyq saqtaý ministrligi vaktsinalaý - infektsiialyq aýrýlardan qorǵanýdyń tiimdi ádisi ekenin jetkizdi.
