2021 jyly Qazaqstanǵa vizasyz qatynaityn memleketter tizimi uzartylmaq. Mádeniet jáne sport ministrliginiń alqa májilisinde vitse-ministr Ǵabidolla Ábdirahymov osylai dedi, dep habarlaidy "Ult aqparat".
«2020 jyly biz vizasyz kire alatyn elderdiń tizimin 74 elge jetkizdik. 105 eldiń azamattary úshin elektrondy viza engizildi. Pilottyq rejimde Qytai men Úndistan azamattary úshin 72 saǵattyq vizasyz tranzit paida boldy. Shekara beketterin modernizatsiialaý bastaldy. Sheteldik aviakompaniialardy elimizdiń 11 qalasyna kelip, jolaýshylardy qabyldai alatyndai etip iske qosýdy bastadyq (Open Sky rejimi)», - dedi alqa májilisi barysynda Mádeniet jáne sport vitse-ministri Ǵabidolla Ábdirahymov.
Onyń aitýynsha 2021 jyly vizasyz kire alatyn elderdiń tizimin 90-ǵa deiin keńeitý josparlanǵan. Elektrondy viza alý protsesin jeńildetý úshin sheteldikterge vizasyz rejim usynysy da daiyndalýda.
«Sonymen qatar biz 160 qonaqúide pilottyq rejimde E-Qonaq júiesin engizýdi aiaqtadyq. Endi osy júieniń arqasynda kez-kelgen sheteldik týristke bólek tirkelýdiń qajeti joq. Munyń bári azamat qonaq úige kirip úlgergen kezde avtomatty túrde bolady», - dedi ol.
