2021 jyly 13 mamyr kúni Túrikmenstan Respýblikasynan 256 qandasymyz «Túrikmendemirellary» memlekettik agenttigi arqyly «Túrikmenbashy – Bolashaq – Jańaózen» baǵyty boiynsha elimizdiń Jańaózen qalasyna jetkizildi.
Bul týraly «Otandastar» uiymy habarlady.
Qandastar otyrǵan arnaiy poiyzda 8 jolaýshylar, 2 júk vagony jáne 1 dizel lokomotivi bar.
Poiyz 12 mamyr kúni saǵat 17:20-da «Túrikmenbashy» stantsiiasynan jolǵa shyǵyp, «Bolashaq» stantsiiasy arqyly «Jańaózen» qalasynyń stantsiiasyna 19:00-de kelip jetti.
Qandastyrdy qarsy alý jumystaryn uiymdastyrýǵa QR Syrtqy ister ministrligi, Aqparat jáne qoǵamdyq damý ministrligi, Densaýlyq saqtaý ministrligi, Memlekettik Shekara qyzmeti, Mańǵystaý oblysy ákimdigi, «Qazaqstan temir joly» AQ, «Otandastar qory» KEAQ pen Dúniejúzi qazaqtary qaýymdastyǵy ókilderi atsalysty.
Elge kelgen qandastardyń vizalyq qujattary tolyq daiyn, juqpaly indetke qatysty PTR test anyqtamalary berilgen.
«Elge el qosylsa - qut» degendei túrkimen jerinen kelgen kóshtiń ekinshi kerýeni atajurtqa at basyn burdy. Osyǵan deiin aqpan aiynyń sońyna qarai Túrikmenstannan 153 qandasymyz kóship kelgen edi. Bir qýanarlyǵy el táýelsizdiginiń 30 jyldyǵyna bailanysty syrttaǵy qandastardyń elge kelýi qaita jandana bastady. Urpaǵynyń keleshegin, atajurtynyń bolashaq damýyn oilaǵan qandastarymyz elge qur qol kelgen joq. Óz mamandyqtary boiynsha jumys istep, qosymsha mamandyq igeretin bolady»,-delingen habarlamada.
