Qazaqstanda óndiriletin ónimniń 23%-y Atyraý oblysyna tiesili, dep habarlaidy QazAqparat.
Ortalyq kommýnikatsiialar qyzmetinde ótken brifingte Atyraý oblysynyń ákimi Mahambet Dosmuhambetov osyndai derek keltirdi.
«Atyraý oblysynyń ónerkásip óniminiń kólemi jyl basynan beri 6,7 trln teńge boldy. Óńirdiń úlesine respýblika ónerkásibiniń barlyq kóleminiń 23%-y tiesili. Onyń ishinde óńdeý ónerkásibi óniminiń kólemi 545 mlrd teńgeden asty. Sondai-aq, qurylys 110,8%, aýyl sharýashylyǵy 100,6%, saýda 146,1%, kólik 117,6%, bailanys 101,4% salalarynda ósim baiqalady», - dep habarlady Atyraý oblysynyń ákimi.
Ákimniń málimeti boiynsha, Atyraý óńiri negizgi kapitalǵa salynǵan investitsiialar boiynsha da kósh bastap tur.
«Jyl basynan negizgi kapitalǵa 2 trln 336 mlrd teńge investitsiia tartyldy. Bul respýblika boiynsha barlyq investitsiialardyń tórtten bir bóligin quraidy», - dedi Mahambet Dosmuhambetov.
