قازاقستاندا ٶندٸرٸلەتٸن ٶنٸمنٸڭ 23%-ى اتىراۋ وبلىسىنا تيەسٸلٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن بريفينگتە اتىراۋ وبلىسىنىڭ ەكٸمٸ ماحامبەت دوسمۇحامبەتوۆ وسىنداي دەرەك كەلتٸردٸ.
«اتىراۋ وبلىسىنىڭ ٶنەركەسٸپ ٶنٸمٸنٸڭ كٶلەمٸ جىل باسىنان بەرٸ 6,7 ترلن تەڭگە بولدى. ٶڭٸردٸڭ ٷلەسٸنە رەسپۋبليكا ٶنەركەسٸبٸنٸڭ بارلىق كٶلەمٸنٸڭ 23%-ى تيەسٸلٸ. ونىڭ ٸشٸندە ٶڭدەۋ ٶنەركەسٸبٸ ٶنٸمٸنٸڭ كٶلەمٸ 545 ملرد تەڭگەدەن استى. سونداي-اق, قۇرىلىس 110,8%, اۋىل شارۋاشىلىعى 100,6%, ساۋدا 146,1%, كٶلٸك 117,6%, بايلانىس 101,4% سالالارىندا ٶسٸم بايقالادى», - دەپ حابارلادى اتىراۋ وبلىسىنىڭ ەكٸمٸ.
ەكٸمنٸڭ مەلٸمەتٸ بويىنشا, اتىراۋ ٶڭٸرٸ نەگٸزگٸ كاپيتالعا سالىنعان ينۆەستيتسييالار بويىنشا دا كٶش باستاپ تۇر.
«جىل باسىنان نەگٸزگٸ كاپيتالعا 2 ترلن 336 ملرد تەڭگە ينۆەستيتسييا تارتىلدى. بۇل رەسپۋبليكا بويىنشا بارلىق ينۆەستيتسييالاردىڭ تٶرتتەن بٸر بٶلٸگٸن قۇرايدى», - دەدٸ ماحامبەت دوسمۇحامبەتوۆ.
