Qazaqstanǵa kelip eńbek etkisi keletin nemese óz kásibin damytqysy keletin sheteldik eńbek migranttaryna ruqsat qalai beriledi?
Bul suraqqa QR IIM Kóshi-qon komiteti tóraǵasynyń orynbasary Sabyrjan Seiitjanov jaýap berdi, dep habarlaidy QazAqparat.
«Qazaqstan aýmaǵyna shetel azamattarynyń kelýi úshin ruqsat QR Úkimeti janyndaǵy vedomstvoaralyq komissiianyń sheshimine sáikes beriledi. Sondai-aq, bizdiń elde óz kásibi nemese qyzmetin usynǵysy kelgen zańdy tulǵalar jergilikti atqarýshy organnyń atyna resmi hat joldaýy tiis. Ol hatta Qazaqstanǵa ne úshin keletinin, qandai qyzmet nemese kásippen ainalysatynyn ashyp kórsetýi tiis. Sol hattyń negizinde komissiia sheshim shyǵarady. Eger usynylǵan jobanyń Qazaqstan úshin jáne halyqtyń áleýmeti úshin tiimdi bolyp tabylsa, ol usynys vedomstvoaralyq komissiianyń qaraýyna usynylady. Vedomstvoaralyq komissiianyń otyrysy aptasyna bir ret ótip turady», - dedi Seiitjanov Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, Qazaqstan aýmaǵynda eńbek etkisi kelgen shetel azamaty vedomstvoaralyq komissiianyń oń sheshiminen soń SIM, IIM jáne shekary qyzmetiniń atyna bizdiń elge kelýi jónindegi hattama joldaýy tiis.
Sondai-aq, elimizge keletin árbir shetel azamatyna sanitarlyq talaptardyń jiti túsindiriletini aityldy.
