Aqtóbe oblysynda PTR anyqtamasyz kelgen 22 sheteldik azamat deportatsiialanǵan, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
Pandemiia bastalǵannan beri Aqtóbe oblysy Mártók aýdany «Jaisań», Qarǵaly aýdany «Álimbet» sanitarlyq-karantindik pýnktterinde sanitarlyq baqylaý táýlik boiy júrgiziledi.
Epidemiologtar shekaradan ótetin adamdarǵa táýlik boiy termometriia men saýalnama júrgizip, PTR testileýiniń teris nátijesi bar anyqtamalardyń bolýyn tekseredi.
Ústimizdegi jyldyń 6-qazanynan bastap 25-jeltoqsan aralyǵynda «Jaisań» jáne «Álimbet» SKP Memlekettik shekarasy arqyly barlyǵy 48 778 adam ótti, onyń ishinde anyqtamasy joq 4 131 adam karantindik statsionarǵa jatqyzyldy, onyń ishinde Resei Federatsiiasynan kelgen 47 adamnan COVID-19 anyqtaldy.
Qazaqstan Respýblikasyna anyqtamasyz kelgen Resei Federatsiiasynyń 22 azamaty Bas memlekettik sanitariialyq dárigeriniń qaýlysyna sáikes, el aýmaǵyna jiberilmedi.
