Koronavirýsqa qarsy qytailyq Vero Sell vaktsinasy partiiasynyń Almaty áýejaiyna jetkizilý sáti. 10 tamyz 2021 jyl.
Almatyǵa qytailyq Vero Sell vaktsinasynyń birinshi partiiasy jetkizildi. Bul týraly Air Astana baspasóz qyzmetinen málim boldy, dep habarlaidy "Ult aqparat".
«Air Astana áýe kompaniiasy Beijińnen tikelei Sinopharm kompaniiasynyń Vero Sell vaktsinasyn jetkizdi. Bir mln dozany jetkizý «SQ-Farmatsiia» tapsyrysy boiynsha eki reispen iske asyrylady», - delingen habarlamada.
Birinshi reis Almatyǵa búgin saǵat 12:30-da jetti. Al ekinshi reis 11 tamyzda saǵat 13:20-ǵa josparlanyp otyr. Jalpy salmaǵy 20 tonna bolatyn meditsinalyq júk termo-konteinerlerde tasymaldanyp, 2-den 8 gradýsqa deiingi temperatýralyq rejim saqtalady.
Dúniejúzilik densaýlyq saqtaý uiymynyń málimetinshe, SARS-CoV-2 (VeroCell) – ólgen virýs negizinde ázirlengen vaktsina. Klinikalyq synaqtyń úshinshi kezeńiniń nátijesi boiynsha, 21 kún úzilispen salynǵan vaktsinanyń eki dozasy onyń koronavirýspen kúreste 79 paiyz tiimdi ekenin kórsetken.
Qazir Qazaqstanda koronavirýsqa qarsy qoldanatyn tórt túrli vaktsina bar: Qaraǵandy qalasynda shyǵarylatyn reseilik "Spýtnik V", qazaqstandyq QazVac, Qytaidyń Sinopharm kompaniiasynyń HayatVax ekpesi (BAÁ elinde daiyndalǵan) jáne Qytaidyń Sinovac Biotech kompaniiasy jasap shyǵarǵan Coronavac vaktsinasy. Onyń ekeýi – Sinopharm men Sinovac Biotech ekpelerin Dúniejúzilik densaýlyq saqtaý uiymy (DDSU) maquldaǵan. Qazaqstanda jurt negizinen "Spýtnik V" men QazVac salǵyzady.
