Sáýir aiynda elimizde 1 millionnnan astam adamǵa koronavirýsqa qarsy vaktsina salynady. Bul jaiynda QR Densaýlyq saqtaý ministrliginen málim etti, dep habarlaidy "Ult aqparat".
«Qaraǵandy meditsinalyq farmatsevtika kesheninde 600 myń doza shyǵarylatyn bolady. Bul osy ýaqytqa deiin jasalǵan kelisimshart aiasynda júzege asyrylady. Qazirgi ýaqytta qosymsha qajet ekpege bailanysty «Spýtnik V» vaktsinasyn óndirýshilermen kelissóz júrgizilip jatyr», - dedi QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova.
Aita keteiik, 2021 jylǵy 19 naýryzdaǵy jaǵdai boiynsha 100 myńnan astam adam egildi, onyń ishinde 63 myńnan astam meditsina qyzmetkeri, 22 myń pedagog, kúsh qurylymdarynyń 7 myń qyzmetkeri, 8 myń – azamattardyń basqa sanattary.
