Қазақстан Тәуелсіздігіне 25 жыл

Qazaqstanǵa qonys aýdarýǵa bel býǵan qandastar úshin jańa sait iske qosyldy

Qazaqstanǵa qonys aýdarýǵa bel býǵan qandastar úshin jańa sait iske qosyldy


«Otandastar qory» ázirlegen erulik.kz veb-platformasynyń tusaýkeseri ótti, dep habarlaidy "Ult aqparat".

Qordyń bapasóz qyzmetiniń málimetinshe, is-shara barysynda sheteldegi qazaq qaýymdastyǵyna jańa ashylǵan sait jan-jaqty tanystyrylǵan.

Erulik.kz degenimiz – Otanyna qonys aýdarýǵa bel býǵan qandastarǵa arnalǵan veb-platforma.

«Saittyń basty maqsaty – Qazaqstanǵa kóship kelýge sheshim qabyldaǵan qandastarǵa basymdyqqa ie 5 oblystyń (Aqmola, Pavlodar, Qostanai, Soltústik jáne Shyǵys Qazaqstan oblystary) áleýmettik-ekonomikalyq damý deńgeiimen tanystyrý jáne qonys aýdarýǵa qolaily eldi mekenderdi tańdaýǵa múmkindik usyný», delingen habarlamada. 

Aqparat jáne qoǵamdyq damý ministrliginiń tapsyrmasymen ázirlengen veb-platforma arqyly Qazaqstanǵa qonys aýdarýdy josparlaǵan kez kelgen qandasymyzǵa ornalasqysy keletin eldi mekenge qatysty 21 kórsetkish boiynsha jan-jaqty aqparat beriledi. 

Atap aitqanda, saitta eldi mekenderdegi bos turǵyn-jailar, infraqurylym, áleýmettik mekemeler, ekonomikalyq áleýet týraly tolyqqandy aqparat bar, sondai-aq aimaqqa foto sholý jergilikti atqarýshy organdarmen birlese usynylady. 

Sonymen qatar, kóship kelgen sátten bastap kóshi-qon úrdisinde talap etiletin qujattar, beiimdeý, balalardy balabaqshaǵa, mektepke ornalastyrý, meditsinalyq qyzmetterdi alý, tipti kásipkerlik bastaýdyń ońtaily tetikteri boiynsha aqparat beriledi.