Búgin tańerteń Túrkiiada bolǵan Qazaqstan azamattary mingen reis Pavlodarǵa kelip qondy. Borttaǵy 125 adamnyń kópshiligi Pavlodar oblysynyń turǵyndary, dep habarlady búgin Memlekettik komissiianyń jedel shtaby.
Shtab taratqan málimetterge qaraǵanda, bortty arnaiy kostiým kigen sanitarlyq epidemiologiia qyzmetiniń ókilderi kútip aldy, árqaisysynyń temperatýrasyn ólshep, koronavirýs belgileri bar-joǵyn tekserdi.
Kelgen azamattar jeke málimetteri tolyq kórsetilgen saýalnama toltyrdy.
Jolaýshylardyń barlyǵy oqshaýlaý ornyna jetkizildi. Ushyp kelgen azamattardyń árqaisysynan qajetti taldaý alyndy, onyń nátijesi bir táýlikten soń belgili bolady.
