Qazan aiy boiy elimizge kem degende 100 myń tonna dizel otynyn ákelý josparlanyp otyr. Bul týraly QR Energetika ministri Maǵzum Myrzaǵaliev málim etti, dep habarlaidy "Ult aqparat" QazAqparat agenttigine silteme jasap
«Búginde dizel otynyn jetkizý ótkir másele bolyp tur. Onyń birneshe sebebi bar. Biz elimizge dizel otynyn jetkizý men tutyný kóleminiń artqanyn baiqap otyrmyz. Bizdiń aldymyzda qazan aiy boiy Reseiden kem degende 100 myń tonna dizel otynyn ákelý mindeti tur. Eger qyrkúiek aiynyń 20 kúninde elimizge 5 myń tonna dizel otyny jetkizilse, qalǵan 10 kúnniń ishinde 15 myń tonna ónim ákelindi. Al qazan bastalǵaly 4 kúnniń ishinde Qazaqstanǵa 12 myń tonna dizel otyny keldi. Qazirgi ýaqytta atalǵan otyn túrin jetkizý máselesi kún tártibinde jáne baqylaýda. Jalpy importtyq otyndy jetkizý men tutyný trendine oń baǵa berýge bolady», - dedi Maǵzum Myrzaǵaliev elordada ótip jatqan «KIOGE-2021» halyqaralyq munai jáne gaz kórmesinde tilshilerdiń suraǵyna jaýap bere otyryp.
