Qazaqstanda úsh myńǵa jýyq jańa jedel járdem kóligi qajet. Bul týraly «Báiterek» UBH» AQ Basqarýshy direktory Ersaiyn Hamitov málim etti, dep habarlaidy QazAqparat.
Búgin Parlamenti Senatynda respýblikalyq biýdjetke qatysty zań jobasynyń tanystyrylymynda senator Mihail Bortnik elimizde jedel járdem jáne órt sóndirý kólikterin shyǵarý boiynsha qandai qadamdar qarastyrylǵanyn surady.
«Arnaiy avtokólikterdi qansha satyp alsaq ta, keiinnen olardy 3-4 jylda jańartý qajettigi týandaityny anyq», - dedi M. Bortnik.
Óz kezeginde Ersaiyn Hamitov avtokólikter otandyq óndiristerde qurastyrylatynyn «Hyundai» markaly avtomobilder ekenin jetkizdi.
«Lizingtik qarjylandyrýǵa toqtalsaq, jyldyq jeti paiyz stavkamen 5-7 jylǵa bólinedi. 2019-2020 jyldary 818 jedel járdem kóligin jańartýdy josparlap otyrmyz. Jalpy qajettilik 3 000 jýyq», - dedi E. Hamitov.
QR Ulttyq ekonomika vitse-ministri Mádi Takievtiń aitýynsha, el óńirlerin jedel járdem kólikterimen qamtamasyz etý baǵytynda Indýstriia jáne infraqurylymdyq damý jáne Densaýlyq saqtaý ministrlikteri arasynda tiisti Jol kartasy bekitildi.
«Jańa áriptesim aitqandai, úsh myńǵa jýyq avtokólik qajet. Qazirgi kezde bul kólikter qurastyrylýda», - dedi vitse-ministr.
