2021 jylǵy 1-8 qazan aralyǵynda Agroónerkásiptik keshendegi memlekettik inspektsiia komitetiniń aýmaqtyq inspektsiialary Qazaqstan aýmaǵyna Reseiden, Qyrǵyzstannan, Polshadan, Litvadan jáne Irannan fitosanitariialyq qaýpi joǵary karantinge jatqyzylǵan ónimdi zańsyz ákelýdiń 86 áreketin toqtatty, dep habarlaidy QazAqparat.
«Karantindik fitosanitariialyq baqylaýdy júrgizý kezinde Resei Federatsiiasynan 803 tonna alma, banan, qyzanaq, kartop, qyryqqabat, burysh, qyzylsha, sábiz, bidai, un jáne basqa da ónimderdi fitosanitariialyq sertifikatsyz ákelýi anyqtaldy. Qyrǵyzsnan 2,7 tonna qulpynai, tańqýrai, qurma jáne raýshan tamyryn fitosanitariialyq sertifikatsyz ákelgeni jáne olardyń markirovkasyz ekeni belgili boldy. Polshadan 20,3 tonna alma fitosanitariialyq sertifikatsyz jetkizilgen. Litvadan 19,9 tonna keshiý jańǵaǵynyń karantinge jatqyzylǵan ónimdi ekinshi ret tekserýge usynbaǵan. Irannan 45,8 tonna alma ákelý kezinde fitosanitariialyq talaptarǵa sáikes kelmeýi anyqtaldy», - delingen QR Aýyl sharýashylyǵy ministrligi málimetinde.
Nátijesinde, kináli adamdar QR ÁQBtK-niń 400-baby boiynsha ákimshilik jaýapkershilikke tartylyp, olarǵa 4,2 mln teńge somasynda ákimshilik aiyppul salyndy.
«Jyl basynan beri QR Aýyl sharýashylyǵy ministrligi Agroónerkásiptik keshendegi memlekettik inspektsiia komitetiniń aýmaqtyq inspektsiiasy ósimdikter karantini salasynda 5 myńnan astam zań buzýshylyqty anyqtap, nátijesinde 367,2 mln teńge somasyna ákimshilik aiyppul salyndy», - dep atalyp ótken vedomstvo habarlamasynda.
